ASNN – Peja është shumë pranë kualifikimit për në finale të Ligës Ballkanike të Basketbollit për Meshkuj, pasi ka mposhtur Rilskin në fushën e kësaj të fundit, me rezultatin e ngushtë 63-62.

Pejanët nuk e nisën aspak mirë takimin, pasi vendësit ishin shumë më të mirë në çerekun e parë dhe të dytë, duke bërë që gjysma e parë të përfundojë bindshëm në favor të tyre, me shifrat 39-27.

Por gjysma e dytë ka rezultuar fantastike për ekipin e Pejës. Kjo sepse, fillimisht arriti ta ngushtonte në çerekun e tretë epërsinë e vendasve në vetëm në 4 pikë, 45-49, ndërsa në çerekun e fundit ishte më e mirë duke fituar me rezultatin përfundimtar 63-62.

Kjo ishte vetëm ndeshja e parë, ndërsa ndeshja e dytë gjysmëfinale do të zhvillohet pas një jave në Pejë.