Peja ka mposhtur Yllin në gjysmëfinale të Kupës së Kosovës në basketboll për meshkuj, për të siguruar biletën në finale ku e pret SIGAL Prishtina. Pejanët fituan me rezultat 95 me 66 në një atmosferë të bukur të krijuar në Suharekë.

Më herët SIGAL Prishtina mposhti Trepçën në gjysmëfinale për të siguruar finalen e Kupës së Kosovës. Kampioni i Kosovës mposhti mitrovicasit me rezultatin 92-65. Finalja zhvillohet të dielën.

SIGAL Prishtina ka mposhtur Trepçën në gjysmëfinale të Kupës së Kosovës në Basketboll për Meshkuj, duke triumfuar me rezultatin 92-65. Skuadra kryeqytetase ka dominuar gjatë tërë ndeshjes.

Dhe këtë ajo e tregoi edhe në gjysmën e parë, e cila u përmbyll me rezultatin 50-37. SIGAL Prishtina vazhdoi të bënte një lojë të mirë edhe në gjysmën e dytë, duke e përmbyllur takimin në fund me 27 pikë epërsi, 92-65.

Në takimin tjetër, Peja ka korrur një fitore të merituar përballë “Golden Eagle” Yllit në gjysmëfinale të Kupës së Kosovës në basketboll, duke triumfuar me rezultatin bindës 95-66.

Ylli e nisi më mirë takimi në çerekun e parë, mirëpo Peja u rikthye në çerekun e dytë dhe gjysmën e parë e përmbylli me 12 pikë epërsi, 45-33. Pejanët vazhduan me lojë të mirë edhe në pjesën e dytë dhe në fund fituan me 29 pikë epërsi, 95-66.