ASNN – Peja ka mposhtur SIGAL Prishtinën në finalen e parë të “play-off”-it në Superligën e Kosovës në Basketboll për Meshkuj, pasi “Shqiponjat” triumfuan në Palestrën “Karagaçi”, me rezultatin e ngushtë 77-76.
Peja nisi më mirë ndeshjen duke e fituar pjesën e parë me rezultatin 23-15, por kjo epërsi u përmbys menjëherë nga mysafirët në pjesën e dytë dhe të tretë. Pjesa e fundit i takoi Pejës me pesë pikë epërsi, që mjaftoi për të fituar ndeshjen e parë.
Pikët vendimtare në sekondën e fundit të ndeshjes i shënoi Alban Veseli. Skuadra “kampione” Superligën e Kosovës në Basketboll për Meshkuj do të shpallet ai ekip që fiton tri nga 5 ndeshjet.
