ASNN – Granit Bajraliu e Blearta Ukëhaxhaj, janë tenistët e vitit 2016 të zgjedhur nga Federata e Tenisit e Kosovës. Përveç suksesit në Kosovë, Bajraliu mori pjesë për herë të parë edhe në Kupën “Dejvis” me Kosovën.
Ndërsa Ukëhaxhaj ishte tenistja më e suksesshme në vend dhe mori pjesë edhe në disa turne ndërkombëtarë. Të dy tenistët ishin më të mirët edhe vitin e kaluar, raportojnë mediat e Prishtinës.
Federata e Tenisit e Kosovës për klubin më të mirë të vitit, zgjodhi ekipin e Prishtinës, ndërsa për trajner të vitit Sami Ukëhaxhajn e klubit “NIC”. Nga kategoritë e reja ka dominuar klubi i tenisit Peja, që ka marrë katër çmime nga gjashtë, sa ndau Federata.
Ndërkohë, janë shpërndarë edhe mirënjohje për kontributin gjatë vitit 2016 edhe për gjyqtarin dhe punëtorët sportivë të dalluar, gjatë vitit që e lamë pas.
