ASNN – Më 3 dhe 4 shkurt 2024 do të zhvillohen ndeshjet e turit të 16-shes së Kupës së Kosovës në futboll. Orari i ndeshjeve të kësaj faze të garës së Kupës është caktuar të hënën nga Federata e Futbollit e Kosovës.
Më 3 shkurt janë programuar ndeshjet Gjilani – Prishtina, Vjosa – 2 Korriku, Feronikeli 74 – Malisheva, Suhareka 23 – Prishtina e Re. Ndërsa një ditë më pas janë këto ndeshje: Trepa ’89 – Llapi, Drita – Rilindja 1974, Ballkani – Vëllaznimi dhe Dukagjini – Dinamo.
Fituesit e ndeshjeve vijojnë për më tej garën për veprimtarinë e dytë të futbollit të Kosovës, ndërsa gjysma pranverore e sezonit të Superligës nis më 10 shkurt. Prishtina është fituese në fuqi e Kupës së Kosovës.
