ASNN – Sipas asaj që raportojnë mediat e Prishtinës, trajneri i përfaqësueses së Kosovës, Albert Bunjaku, e ka publikuar të shtunën listën e lojtarëve të ftuar për miqësoren me Burkina Fason.

Midis të grumbulluarv është edhe sulmuesi i njohur, Erton Fejzullahu, i cili aktualisht luan në Kinë. Bunjaku ka ftuar 24 futbollistë, kryesisht të rinj, ndërsa ka përfshirë lojtarë edhe nga Kategoria Superiore e Shqipërisë dhe Superliga e Kosovës.

Ndër të tjera, në konferencën për shtyp të mbajtur të shtunën, drejtuesit e FFK-së e përsëritën vendosmërinë e tyre të luajnë vetëm me ekipin A të Burkina Fasos. Në të kundërtën, Kosova nuk do të luajë me ekipin e Nën-23-vjeçarëve të skuadrës afrikane.

Krerët e FFK-së janë të bindur se të hënën ose të martën, do të marrin përgjigje përfundimtare nga Burkina Faso. Ndërkohë, në konferencë, u bë e ditur se përfaqësuesja e Nën-16-vjeçarëve të Kosovës do të marrë pjesë në një turne që zhvillohet në Itali, në “Coppa della Pace” në qytetin L’Akuila.

Ja lista e të grumbulluarve

Portierë:

Samir Ujkani (Xhenoa)

Visar Beka (Prishtina)

Granit Kolshi (Feronikeli)

Mbrojtës:

Ilir Berisha (Gefle)

Avni Pepa (Vestman)

Loret Sadiku (Mersinspor)

Fanol Perdedaj (Eintraht Frankfurt)

Leonit Abazi (Skënderbeu)

Bajram Jashanica (Skënderbeu)

Shkëlqim Pacolli (Hajvalia)

Imran Bunjaku (Shaf’hausen)

Mërgim Brahimi (Vohlen)

Mesfushorë:

Enis Alushi (St. Pauli)

Anel Rashkaj (Sandnes)

Hekuran Kryeziu (Lucernë)

Besar Halimi (FSV Frankfurt)

Valmir Sylejmani (Hanover ‘96)

Eroll Zejnullahu (Union Berlin)

Bernard Berisha (Skënderbeu)

Bersant Celina (Mançester Siti)

Flamur Kastrati (Stromsgodset)

Sulmues:

Albert Bunjaku (St. Galen)

Erton Fejzullahu (Bixhing G.)

Elbasan Rashani (Brondbi)