ASNN – Në Kampionatin Botëror të Futbollit për Femra, që është duke u zhvilluar në Kanada, përveç garës për cilësitë futbollistike, po garohet edhe për hiret trupore dhe bukurinë e lojtareve.

Media të shumta botërore bëjnë sondazhe duke përzgjedhur futbollisten më të bukur në botë. Edhe gazeta zvicerane “Blick am abend” ka hapur një sondazh duke radhitur 11 femrat më të bukura që marrin pjesë në kampionatin futbollistik të këtij viti.

Në mesin e femrave nga përfaqësuese të ndryshme të botës është edhe futbollistja nga Mitrovica e Kosovës, Kosovare Asllani, e cila mbron ngjyrat e përfaqësueses suedeze. Ajo ka marrë shumë vota dhe është kandidate e fortë.