ASNN – Kampionati i Kosovës në boks do të mbahet në fundjavën që vjen. Federata e Boksit e Kosovës (FBOXK), ka bërë të ditur nëpërmjet një njoftimi për shtyp se më 18 dhe 19 tetor do të organizojë Kampionatin e Kosovës në boks për të gjitha grupmoshat.
Garat e këtij kampionati do të mbahen në Pallatin e Rinisë dhe Sporteve në Prishtinë. “Gjysmëfinalet fillojnë në orën 15:00, kurse matja zyrtare e boksierëve bëhet nga ora 11:00-12:00, ndërsa finalet fillojnë në ora 12:00 dhe matja zyrtare e boksierëve bëhet nga ora 8 deri 9”, – është thënë në njoftimin e FBOXK-së.
Sipas këtij njoftimi pritet një boks cilësor dhe duele interesante, sepse konkurrenca do të jetë shumë e fortë e sidomos tek boksierët e rinj, ku shumica prej tyre kanë marrë pjesë dhe në turne të ndryshme ndërkombëtare dhe kampionate evropiane e botërore.
