ASNN – Në Dibër, por në mënyrë të veçantë në Peshkopi, ka festë edhe për të rinjtë e Korabit, të cilët dje kanë fituar ndeshjen me bashkëmoshatarët e Valbonës, 3-1.
Sipas faqes në “Facebook” të Korabit, dibranët e rinj kanë bërë një superndeshje, ndërsa e kanë dominuar totalisht atë dhe në fund kanë dalë fitues.
Golat janë shënuar nga Kallaverja (2) dhe Ruci. Dhe kjo e ardhme e Korabit, ndërsa dibranët janë në vendin e parë në Kategorinë e Dytë, grupin e Veriut, me 24 pikë, e bën më të sigurt dhe më të zhvilluar futbollin e trevës.
