Më parë i është dhënë një pyetësor të gjithëve për mirëfunksionimin e organizatave sportive. Deri më 15 janar të gjitha institucionet duhet të deklarojnë sportistët më të mirë të vitit 2014. Komiteti Olimpik Kombëtar Shqiptar në ditën e tetë të muajit të parë të vitit 2015 duket se ka vendosur të shkund nga letargjia e madhe Federatat Sportive. Nëse vazhdohet ende të festohet Viti i Ri, realisht askush nga Federata nuk ka nisur nga veprimtaritë kombëtare, që pritet të startojnë në javën e dytë, në Komitetin Olimpik Kombëtar Shqiptar ndodh ndryshe.
Nisur nga ajo që Federata Shqiptare e Basketbollit ka bërë në fundin e vitit, atje ku vendosi dy lojtarët më të mirë të vitit 2014, që ishin Migena Plasa dhe Algert Gjonaj, pa thënë dhe pesëshet më të mira të sezonit, Komiteti Olimpik Kombëtar Shqiptar i ka kërkuar të gjitha federatave sportive të deklarojnë sportistët e tyre më të mirë të vitit. Shkresa e ardhur që më 5 janar dhe e shpërndarë në të gjitha federata shumësportëshe u ka thënë të gjitha Federatave që deri më 15 janar duhet të deklarojnë sportistët e tyre më të mirë.
Si një mundësi që Komiteti Olimpik Kombëtar Shqiptarë të dijë se kë ka realisht sportist cilësor ndërsa kemi hyrë në vitin e kualifikimeve për në Lojërat Olimpike “Rio de Zhaneiro 2016”. Nuk duhet harruar që në fundin e vitit 2013 një gjë të tillë e ka bërë atletika, e cila sivjet duket se e kishte harruar një gjë të tillë. Sikurse e kanë harruar të gjitha Federatat Sportive, ndërsa shpallja e sportistëve më të mirë të vitit jo vetëm që është një vlerësim për të gjithë sezonin e luajtur, por dhe një nxitje për më shumë cilësi në vitin pasardhëse.
Por e rëndësishme është që KOKSH ka vendosur t’i shkund nga letargjia e thellë Federata Sportive. Sepse kemi hyrë në vitin e kualifikimit me normë për në Lojërat Olimpike “Rio de Zhaneiro 2016”.
