ASNN – Miqësoret ndaj Spanjës dhe Gjeorgjisë, mësohet edhe programi mediatik e stërvitor i Kombëtares shqiptare të futbollit, që do të nisë nga e hëna e 21 marsit grumbullimin për dy ndeshjet miqësore ndaj Spanjës më 26 mars në fushë të huaj dhe, më pas, ndaj Gjeorgjisë, më 29 mars 2022 në Stadiumin “Arena Kombëtare”. vKuqezinjtë do të akomodohen në Spanjë që më 21 mars, ku do të përgatiten maksimalisht për sfidën e parë ndaj spanjollëve.
Ata do të qëndrojnë atje deri më 28 mars, për t’u nisur më pas drejt Shqipërisë ku do të luajnë miqësoren e dytë ndaj Gjeorgjisë. Vlen për t’u përmendur që ndeshja ndaj gjeorgjanëve që do të luhet në “Arenën Kombëtare”, do të jetë e fundit që do të zhvillohet në këtë stadium, që më 25 maj do të presë finalen madhështore të UEFA Ligës së Konferencës. Më poshtë, po ju njohim me programin paraprak mediatik dhe stërvitor të kombëtares kuqezi për këto 2 ndeshje.
E diel, 20 mars 2022:
- Prononcim i trajnerit Edoardo Reja për listën me 26 lojtarët e grumbulluar për dy sfidat miqësore
E hënë, 21 mars 2022:
- Mbërritja e skuadrës dhe delegacionit në Spanjë, ORA 13:00
- Seanca stërvitore me lojtarët e mbërritur në grumbullim, ORA 17:00.
(E hapur vetëm 15 minutat e para për mediat)
E martë, 22 mars 2022:
- Konferencë për shtyp e dy lojtarëve të ekipit kombëtar, ORA 13:30
- Seancë stërvitore, ORA 16:00.
(E hapur vetëm 15 minutat e para për mediat)
E mërkurë, 23 mars 2022:
- Konferencë për shtyp e dy lojtarëve të ekipit kombëtar, ORA 13:30
- Seancë stërvitore, ORA 16:00.
(E hapur vetëm 15 minutat e para për mediat)
E enjte, 24 mars 2022:
- Konferencë për shtyp e dy lojtarëve të ekipit kombëtar, ORA 13:30
- Seancë stërvitore, ORA 16:00.
(E hapur vetëm 15 minutat e para për mediat)
E premte, 25 mars 2022:
- Konferencë zyrtare për shtyp e trajnerit dhe kapitenit, ORA 16:30, në Barcelonë, Spanjë.
- Seanca zyrtare stërvitore përpara ndeshjes me Spanjën, ORA 17:00.
(E hapur vetëm 15 minutat e para për mediat)
E shtunë, 26 mars 2022:
- Ndeshja miqësore Spanjë-Shqipëri, ora 19:45, në Stadiumin “RCDE”, në Barcelonë.
E diel 27 mars 2022:
- Seancë stërvitore, ORA 16:00
(E hapur vetëm 15 minutat e para për mediat)
E hënë, 28 mars 2022:
- Mbërritja e skuadrës dhe delegacionit në Shqipëri, ORA 18:00
- Konferencë zyrtare për shtyp e trajnerit dhe kapitenit, ORA 18:30, kompleksin “Tropikal” në Durrës
- Seanca zyrtare stërvitore përpara ndeshjes me Gjeorgjinë, ORA 19:00.
(E hapur vetëm 15 minutat e para për mediat)
E martë, 29 mars 2022:
- Ndeshja miqësore Shqipëri-Gjeorgji, ora 18:00, në Stadiumin “Arena Kombëtare” në Tiranë.
