ASNN – Një nga shtyllat e mbrojtjes për ekipin kombëtar, Mërgim Mavraj, do të mungojë në përballjet e shtatorit ndaj Danimarkës dhe Portugalisë. Ndërsa përsa i përket ndeshjes së tetorit me Serbinë, ekziston një shpresë e vakët, por mjekët gjermanë nuk dëshirojnë të nxitojnë me konkluzione të parakohshme. Prestigjiozja “Bild” ka publikuar dje një foto ku është parë Mavraj që ecën me vështirësi në dalje të klinikës gjermane, pasi ka kryer ndërhyrjen kirurgjikale në gju.

Mavraj i është nënshtruar dje një ndërhyrjeje kirurgjikale në gju dhe tashmë pritet që të jetë për një kohë të gjatë jashtë fushave të lojës. Mbrojtësi i Këlnit dhe i Kombëtares nuk ka arritur të shmangë ndërhyrjen në gju dhe kosovari do të mungojë për disa muaj. Sipas të gjitha gjasave, ai nuk do të jetë i gatshëm deri në muajin nëntor, që do të thotë se trajneri De Biazi nuk mund ta ketë në dispozicion mbrojtësin për ndeshjet e Shqipërisë në ndeshjet e mbetura në grupin I të Eliminatoreve të Evropianit 2016.

Në këtë mënyrë, është e sigurt që, një nga shtyllat e mbrojtjes për ekipin kombëtar do të mungojë në përballjet e shtatorit ndaj Danimarkës dhe Portugalisë. Ndërsa përsa i përket ndeshjes së tetorit me Serbinë, ekziston një shpresë e vakët, por mjekët nuk dëshirojnë të nxitojnë me konkluzione të parakohshme. Dje, prestigjiozja “Bild” ka publikuar një foto ku është parë Mavraj që ecën me vështirësi në dalje të klinikës gjermane, pasi ka kryer ndërhyrjen kirurgjikale.

Dëmtimi i Mërgim Mavrajt ka shqetësuar jo vetëm klubin e tij Këlnin në Gjermani, por edhe skuadrën kombëtare të Shqipërisë dhe trajnerin e saj Xhovani De Biazi. Ky i fundit e llogariste Mavrajn ndër shtyllat e skuadrës në repartin mbrojtës, por tani duhet t’i gjejë një zëvendësues.