ASNN – Është konfirmuar tashmë ora e ndeshjes miqësore Suedi-Shqipëri, që do të luhet më 25 mars në Stokholmit. Sipas marrëveshjes mes dy federatave, ky takim do të luhet në stadiumin në Stadiumin “Friends Arena”, në kryeqytetin suedez, duke nisur nga ora 19:00.Kjo është ndeshja e 6-të në histori mes këtyre dy përfaqësueseve.
Nga këto, 4 sfida kanë qenë të vlefshme për Eliminatoret e Kampionatit Botëror, ndërsa dy të tjerat ndeshje miqësore. Ndërkaq, Shqipëria do të zhvillojë edhe një tjetër miqësore gjatë muajit mars, teksa në ditët në vijim, Departamenti i Komunikimit në FSHF do të publikojë edhe emrin e kundërshtarit, vendin dhe orën e takimit.
Këto dy ndeshje miqësore janë në kuadër të përgatitjeve të Kombëtares kuqezi për fazën finale të Evropianit “Gjermani 2024”, ku trajneri brazilian, Silvinjo do të ketë mundësinë që të testojë lojtarët dhe ekipin për herë të parë pas thuajse 4 muajsh nga ndeshja e fundit.
