ASNN – Në konferencën për shtyp të mbajtur në mbrëmje në kampin stërvitor të kuqezinjve, në Përro-Girrek, në Francë, para medias kanë dalë mesfushorët Ermir Lenjani dhe Amir Abrashi. Të dy futbollistët e kanë venë theksin tek shmangia e pësimit të golave që në minutat e para, sidomos në takimin e radhës, atë ndaj Francës.
Evitimi i pësimit të golave në minutat e para ishte lajtmotivi i konferencës për shtyp të mbajtur në mbrëmje në kampin stërvitor të kuqezinjve, në Përro-Girrek, në Francë, ku para medias kanë dalë mesfushorët Ermir Lenjani dhe Amir Abrashi. “Shfaqëm probleme në mbrojtje në ndeshjen e fundit me Zvicrën”, – ka pohuar Lenjani.
“Me Francën do të luajmë ashtu si jemi paraqitur në dy ndeshjet miqësore, ku do të jemi maksimalisht të angazhuar në lojë, – ka vijuar ai. – Kemi edhe dy ditë stërvitje dhe do të japim më të mirën.” Kundër Francës, Lenjani premton angazhim maksimal, me Kombëtaren që do të provojë shanset e saj.
“Nuk kemi më kohë të mendojmë për atë që ndodhi me Zvicrën, – ka theksuar mesfushori kuqezi. – Tashmë kemi dy ndeshje përpara, të mërkurën me Francën dhe më pas me Rumaninë. Duhet të japim maksimumin. Goli i pësuar, mungesë përqendrim?”
“Nuk mund ta themi këtë, – ka vijuar ai. – Jemi paraqitur mirë në pjesën e dytë të ndeshjes, por kështu ndodh në futboll”. Ndërsa “motori” i mesfushës së Kombëtares beson se kuqezinjtë mund të përfitojnë nga presioni që kanë francezët dhe mund të marrë rezultat pozitiv.
Por, edhe Abrashi beson se, që kjo të arrihet, duhet të evitohen gabimet dhe të mos pësohet një tjetër goli shpejt. “Nuk duhet të pësojmë gola të shpejtë për ti dhënë skuadrës besim dhe të përmirësojmë gabimet, – ka thënë ai. – Mendoj se mund të dalim nga kjo sfidë me rezultat pozitiv”.
“Kemi treguar që nuk u trembemi skuadrave të mëdha, – ka vijuar Abrashi. – Normale që Franca është më e impenjuar sepse luan në shtëpi, por do të kenë edhe presion nga tifozët. Nuk duhet të pësojmë gola të shpejtë për ti dhënë skuadrës besim dhe të përmirësojmë gabimet. Mendoj se mund të dalim nga kjo sfidë me rezultat pozitiv”.
