ASNN – Komiteti Olimpik Kombëtar Shqiptar ka prezantuar dje delegacionin sportiv, që do të marrë pjesë në Lojërat Mesdhetare në Tarragona të Spanjës, nga data 22 qershor, deri më 1 korrik 2018. Janë 61 sportistë në 13 disiplina sportive, ndërsa për herë të parë përfaqësohemi në hark dhe kanoe, pa harruar taekuondonë (World), që tashmë është sport olimpik, apo dhe karatenë e xhudo. Në listë mungon futbolli, kurse volejbolli është me ekip të plotë.
Nëse tek femrat e rrjetës nuk ka asnjë ndryshim, aq më tepër që do të merret pjesë në fazën finale të Ligës së Evropës, tek meshkujt nuk do të jetë për arsye personale dhe familjare trajneri Jani Melka, sikurse dhe kapiteni Gazmend Husaj. Firmosja e kontratës së re me kampionen e Francës, Turs, e detyron që tashmë të përqendrohet tek ta për të qenë më pas gati për Eliminatoret e Kampionatit Evropian në gusht. Ndërkohë në çiklizëm do të merret pjesë në garën e rrugës.
Kurse në kronometër do të jetë vetëm Eugert Zhupa. Po kështu do të jenë dy gjyqtarë ndërkombëtarë, Klodian Gjata në pingpong dhe Konalsi Gjoka në volejboll. Shqipëria në është në “streetball”. E që nga e hëna ka nisur dhe grumbullimi i ekipeve dhe përgatitja e tyre në parkun olimpik. Më 18 qershor do të jetë ceremonia e dorëzimit të flamurit në presidencë e më pas, edhe sipas presidentit të Komitetit Olimpik Kombëtar Shqiptar, Viron Bezhani, shpreson që të kemi medalje, ashtu sikurse ka ndodhur në të gjitha pjesëmarrjet tona në Lojërat Mesdhetare.
Lista e sportistëve pjesëmarrës në “Tarragona 2018”
Atletikë: Izmir Smajlaj (Kërcim së gjati), Luiza Gega (3000 metra me pengesa, 1500 metra), Relaksa Dauti (800 metra), Franko Burraj (400 metra). Trajnerë: Taulant Stërmasi, Gjergji Ruli
Boks: Ardit Murja (pesha 52 kg), Krenar Zeneli (pesha 56 kg), Arjon Kajoshi (pesha 75 kg), Bekim Vjerdha (pesha 81 kg). Trajnerë: Zef Gjoni, Jozef Sermi
Çiklizëm: Ridion Kopshti, Eugert Zhupa, Marolino Hoxha, Xhuljano Kamberaj, Ylber Sefa. Trajnerë: Luan Sallaku
Hark: Jurgen Hoxha, Ermir Çina, Sibora Dingu
Xhudo: Aurora Shkoza (pesha 57 kg), Indrit Çullhaj (pesha 66 kg), Jon Vrenozi (pesha 75 kg). Trajner: Shkurt Çullhaj
Karate: Xhino Toli (pesha 67 kg), Bekim Basha (pesha 75 kg). Trajner: Ramiz Ismailgecaj
Mundje: Alban Neçaj (stili i lirë, pesha 65 kg), Eriglent Prizreni (stili greko-romak pesha 87 kg), Osman Hajdari (stili i lirë, pesha 74 kg). Trajner: Leonard Çakmashi
Not: Franc Aleksi (400 dhe 1500 metra stil i lirë), Nikol Merizaj (50, 100, 200 metra stil i lirë). Trajner: Jurgen Fici
Pingpong: Sadush Tosuni, Kamela Katillari. Trajner: Gëzim Tosuni
Qitje: Arben Kuçana (10 metra ajër pistoletë), Henri Rufa (10 metra ajër pistoletë) Kristina Hanxhara (10 metra ajër pistoletë). Trajnere: Diana Mata
Kanoe: Ervin Bushi, Daniel Lazaj Trajner: Edi Theka
Taekuondo (World): Elord Gjana (pesha 58 kg), Juirdo Cani (pesha 68 kg). Trajner: Julian Caca
Tenis: Mario Zili. Trajner: Fatos Nallbani
Volejboll Femra: Arjola Prenga, Malvina Tuci, Erblira Bici, Joana Kushi, Xhozafa Sejfullai, Sava Thaka, Cezarina Xheka, Amarilda Sijoni Prenga, Esmeralda Tuci, Artiola Rexhepi, Sindi Marina, Izabela Dodani, Fatbardha Picaku. Trajnerë: Altin Martiri, Roland Tarja
Volejboll Meshkuj: Amarildo Deliu, Adri Arapi, Anis Çullhaj, Anton Qafarena, Asmend Kula, Kristi Bërdufi, Marjan Gjoklaj, Norgen Baruti, Osman Qefa, Redjo Koçi, Semir Dragoi, Renato Kola. Zv.trajnerë: Vasileios Mitrouidis dhe Dritan Bardhi.
