ASNN – Të premten do të rikthehen takimet e përbashkëta mes Komiteteve Olimpike të Shqipërisë dhe Kosovës. Një gjë e tillë do të ndodhë në mesditë në mjediset e Hotel “Mondialit”, ndërsa do të jetë një takim i përbashkët mes dy komiteteve drejtuese.

Për histori takimet e tilla kanë nisur që në nëntorin e 2012-ës, ndërsa i pari është zhvilluar në Prizren. E po në Prizren është bërë dhe pas një viti, kurse më 6 dhjetor 2014 takimi u rikthye në mjediset e Resortit “Te Stela” në Tiranë.

Dy vitet e fundit sikur u rralluan takime të tilla, ndërsa të premten për një bashkëveprim jo vetëm mes dy Komiteteve Olimpike, por dhe Federatave sportive në veprimtaritë e përbashkëta, rikthehet një gjë e tillë.

Sepse Shqipëri-Kosovë në sport synohet të bëhet më shpejt një se sa në fushat e tjera të jetës.