ASNN – Sokol Jakini u shpall “kampion” i Evropës në kikboks. Sportisti shqiptar fitoi duelin e peshës deri 76 kilogramë me rumunin Marian Serban e zhvilluar në Areco. Një rikonfirmim i Jakinit, i cili triumfoi edhe vitin e kaluar me të njëjtin sfidant. Përballja mes Jakinit dhe Serban ishte tepër e luftuar dhe e ekuilibruar. Spektakël dhe emocion në 7 raundet e zhvilluara, ku fituesi u përcaktua me pikë me vendim unanim nga gjyqtaria.
Kjo ishte sfida e fundit në karrierë për 30-vjeçarin Sokol Jakini që nuk ka asnjë humbje, i cili drejton edhe një ekip që mban emrin e tij, duke zhvilluar akoma më tej disiplinën e kikboksit. Kështu, shqiptari nga Shkodra, i cili, prej10 vitesh jeton Itali, ka bërë histori, duke u shpallur “kampion evropian” në sportin e kikboksit, ku përballë, në pallatin e sportit në Areco të Italise ka patur sfidantin rumun, Marian Serbian.
28-vjeçari nga Shkodra, Sokol Jakini, që njihet nga miqtë dhe shokët edhe me emrin Nikola dhe që jeton ne Areco, mbajtës i titullit “kampion” i Evropës në këtë sport për vitet 2013 dhe 2015, ka triumfuar edhe në këtë finale, duke mundur konkurrentin tjetër nga Rumania, Marian Serban, në një duel që vetëm në raundin e 7-të, shqiptari Jakini ka arritur ta mposhtte kundërshtarin, duke fituar me pike këtë duel që e shpalli atë kampion absolut të Evropës në këtë sport.
Kjo finale është ndjekur, përveç të apasionuarve italianë të këtij sporti, por salla ka qenë e tej mbushur me një numër të madh shqiptarësh, që e kanë përkrahur vazhdimisht kampionin Jakini, i cili, më në fund arriti të ruajë titullin “kampion” të Evropës në kikboks për peshën 78 kg, ku, në karrierën e tij numëron 21 fitore dhe veten një barazim. Kënaqësi ishte edhe shpalosja e flamurit shqiptar në pallatin ku po zhvillohej kjo finale.
Po kështu u këndua edhe himni kombëtar. Pas kësaj fitoreje, kampioni i rikonfirmuar i Evropës, Sokol Jakini, deklaroj se do tërhiqet nga ky sport, por që do të vazhdonte në rolin e trajnerit për të rinjtë në këtë disiplinë sportive. Jakini ka bërë historinë duke ngritur peshe zemrat e mijëra shqiptarë që jetojnë në Itali që ndodheshin në përkrahje të tij.
