ASNN – Sipas një statistike, që ka ndodhur të paktën 3 Botërorët e fundit, golashënuesi më i mirë i Kampionatit Evropian, ka fituar Botërorin me ekipin e tij përfaqësues. Kështu ka ndodhur në 2010, 2014 dhe 2018. Sipas fakteve, më e favorizuar për të fituar Botërorin e Katarit, duket Portugalia, sepse Ronaldo u shpall golashënuesi më i mirë i Euro “2020”.
Botërorët e Futbollit nxjerrin gjithmonë disa fakte kurioze. Kështu, futbollisti që del golashënuesi më i mirë i Kampionatit Evropian, me përfaqësuesen e tij fiton Botërorin e ardhshëm. Sipas statistikave kjo gjë ka ndodhur në Botërorët e 2010-ës, 2014-ës dhe 2018-ës. Futbollistë të tillë si David Vija, Mario Gomez, Antuan Grizman dolën golashënuesit më të mirë të Evropianit.
Dhe dy vite me më pas me ekipet e tyre përfaqësuese u shpallën “kampionë bote”. Në vitin 2010 ishte David Vija që fitoi Botërorin me Spanjën, pasi shënoi 5 gola në “Euro 2008”. Më pas ishte Mario Gomez që shënoi 3 në “Euro 2012” dhe fitoi Botërorin në 2014-ën. Së fundi, Griezmani shënoi 6 gola në “Euro 2016”-ën dhe u kurorëzua “kampion bote” në vitin 2018 me Francën.
Por a do të ndodhë kjo gjë përsëri këtë vit, në “Katar 2022”? Sipas radhës i takon Portugalisë të fitojë Botërorin, sepse ka në radhët e saj pikërisht Kristiano Ronaldon, që u shpall golashënuesi i më i mirë i “Euro 2020”-ës vitin që shkoi. Shifrat duket se luajnë në favor të Kristianos…
