ASNN – Është luajtur dje java e dytë e Kampionatit Kombëtar të Volejbollit për Meshkuj, e cila ka sjellë shkëputjen e Tiranës, që me fitoren e arritur dje në Korçë ndaj Skënderbeut vendës ngjitet në krye të renditjes, me 6 pikë të plota.

Bardheblutë janë skuadra e vetme pas dy javësh me dy fitore, duke konfirmuar pretendimet e tyre në kampionat. Por duhet theksuar se Tirana ka luajtur një ndeshje më tepër sesa kampionia në fuqi, Studenti, dhe surpriza e këtyre dy sezoneve të fundit, Farka Voleji.

Pas javës së parë, që e kishte pushim, sukses ka arritur dje në premierën e kampionatit edhe Studenti, duke mundur 3-0 Teutën. Ndryshe nga përballja në finalen e Kupës së FSHV-së, këtë herë kryeqytetasit patën një epërsi të dukshme, duke e dominuar ndeshjen dhe fituan me meritë.

Fitorja e parë në kampionat erdhi edhe për Vllazninë, që mundi 3-1 Elbasanin në fushën e këtij të fundit, në një ndeshje ku shkodranët u treguan më të saktë në lojën e tyre, edhe pse elbasanasit bënë të pamundurën për të dalë të fituar. Vllaznia fiton, duke i merituar tri pikët e para në kampionat.

Kampionati Kombëtar

i Volejbollit – Meshkuj

Java e dytë

(7 nëntor 2015)

Elbasani – Vllaznia             1-3

Skënderbeu – Tirana          1-3

Studenti – Teuta                  3-0

Farka Volej                            pushim

Renditja

Nr.       Skuadra         N.        F.         H.        Setet               Pikë

1. Tirana 2          2          0          6-1                  6
2. Farka Volej 1          1          0          3-0                  3
3. Studenti 1          1          0          3-0                  3
4. Teuta 2          1          1          3-3                  3
5. Vllaznia 2          1          1          3-4                  3
6. Elbasani 2          0          2          1-6                  0
7. Skënderbeu 2          0          2          1-6                  0