ASNN – Java e gjashtë e Kampionatit Kombëtar të Futbollit të Femrave do të luhet e ndarë në 3 ditë, të premten, të shtunën dhe të dielën. Sfida e parë do të luhet sot, duke nisur nga ora 14:30, aty ku Laçi do të përballet me Tiranën në Kompleksin Sportiv “Zmijani”.

Të shtunën do të luhen 3 ndeshje të tjera të kësaj jave, teksa derbi i Myzeqesë, Apolonia-Lushnja do të zhvillohet duke nisur nga ora 10:00, në Fier. Dy takimet e tjera të së shtunës do të luhen duke nisur nga ora 13:00 dhe Teuta do të përballet me Gramshin, ndërsa Egnatia me Kinostudion.

Java e 6-të e Kampionatit Kombëtar të Futbollit të Femrave do të mbyllet të dielën me supersfidën Partizani-Vllaznia. Ky takim do të luhet duke nisur nga ora 13:00, në Stadiumin “Arena e Demave” në periferi të kryeqytetit.