ASNN – Është luajtur dje java e 4-t e Kampionatit Kombëtar të Volejbollit për Meshkuj dhe Partizani ka përfituar nga hapi fals i ndjekëses më të afërt, Farka Volejit, e cila është mundur në Shkodër përballë Vllaznisë, duke u shkëputur e vetme në krye të renditjes me pikë të plota, 12.
Në fakt, Partizani ka fituar pastër dhe shpejt, 3-0 në Elbasan përballë skuadrës vendase, duke mos e vënë për asnjë moment fitoren në këtë takim. Të kuqtë kryeqytetas tanimë ndiqet nga Studenti, që këtë javë, për efekt kalendari, ka qenë pushim.
Skuadra e trajnerit Arben Sako ka 9 pikë të marra në 3 takime, po aq sa ka edhe Farka Volej, që ka luajtur një ndeshje më tepër, ndërsa në vendin e 4-t renditet Erzeni. Shijakasit u mundën dje, 1-3 në shtëpi përballë Tiranës dhe të dyja skuadra kanë tanimë nga 6 pikë secila.
Supriza e javës ka ardhur nga Vllaznia, e cila ka gjetur fitoren e parë të kampionatit në javën e 4-t, ndërsa në Pallatin e Sportit “Qazim Dervishi” të Shkodrës, ka mundur Farka Volejin 3-1. Një fitore që, për të gjithë opinionin sportiv shkodran, tregon se Vllaznia tashmë është tjetërsuar në lojën e saj.
Ndeshje dramatike deri në fund, e bukur dhe me rivalitet ka qenë ajo e djeshmja në Korçë mes Skënderbeut dhe Teutës, por që, në fund, fitohet 3-1 nga vendësit, të cilët festojnë tre pikët e para të sezonit. Të 4 setet e takimit kanë qenë të bukura deri në pikët e fundit, por që më të saktë janë treguar vendasit.
Kampionati Kombëtar
i Volejbollit – Meshkuj
Java e 4-t
(22 tetor 2016)
Erzeni – Tirana 1-3
Skënderbeu – Teuta 3-1
Vllaznia – Farka Volej 3-1
Elbasani – Partizani 0-3
Studenti pushim
Renditja
Nr. Skuadra N. F. H. Setet Pikë
- Partizani 4 4 0 12-1 12
- Studenti 3 3 0 9-2 9
- Farka Volej 4 3 1 10-5 9
- Erzeni 3 2 1 7-3 6
- Tirana 4 2 2 8-7 6
- Vllaznia 3 1 2 4-7 3
- Skënderbeu 4 1 3 3-10 3
- Elbasani 3 0 3 1-9 0
- Teuta 4 0 4 2-12 0
