ASNN – Rrjeti i Radio-Televizionit Shqiptar do të sjellë për sportdashësit drejtpërdrejt dy prej ndeshjeve të javës së 24-t të Kategorisë së parë. Të shtunën, duke nisur nga ora 15:00, transmetuesi publik do të sjellë takimin e vlefshëm për grupin A, midis Vllaznisë dhe Korabit. Kurse të dielën, po duke nisur nga ora 15:00, vjen përballja e grupit B, Tomori-Apolonia.

Kategoria e Parë e Kampionatit Kombëtar të Futbollit luan të shtunën dhe të dielën ndeshjet e javës së saj të 24-t në të dy grupet e saj. Dhe Rrjeti i Radio-Televizionit Shqiptar do të sjellë për sportdashësit drejtpërdrejt dy prej këtyre ndeshjeve. Të shtunën, duke nisur nga ora 15:00, transmetuesi publik do të sjellë takimin e vlefshëm për zonën e “play-off”-it të grupit A, apo grupit të Veriut, midis Vllaznisë dhe Korabit.

Ndërsa po për këtë grup, një orë më pas, Erzeni ndeshet me Besëlidhjen. Ndërkaq, për zonën e “play-out”-it, po të shtunën, duke nisur nga ora 16:00, luhen takimet Veleçiku i Koplikut – Iliria e Fushë-Krujës dhe Shënkolli-Burreli. Ndërkohë, të shtunën, duke nisur nga ora 16:00, luhen edhe dy takimet e zonës së “play-off”-it edhe në grupin B, apo grupin e Jugut.

Bylisi, që tanimë është 6 pikë i shkëputur nga ndjekësja më e afërt, Besa, pret në fushën e vet Lushnjën, ndërsa kavajasit luajnë në shtëpi por, pa tifozë Egnatian e Rrogozhinës. Ndërsa në zonën e “play-out”-it, Pogradeci pret në fushën e vet Elbasanin, në takimin që nis në ora 15:00, ndërsa po në të njëjtën kohë, Apolonia është mysafire në Berat, për t’u ndeshur me Tomorin, në takimin që do të vijë për sportdashësit drejtpërdrejt në Rrjetin e Radio-Televizionit Shqiptar.

Kategoria e Parë

Java e 24-t:

Grupi A

“Play-off”-i:

Të shtunën, 20 prill 2019:

Vllaznia – Korabi Peshkopi                        (15:00)

Erzeni Shijak – Besëlidhja              (16:00)

“Play-out”-i:

Të shtunën, 20 prill 2019:

Veleçiku Koplik – Iliria Fushë-Krujë          (16:00)

Shënkolli       – Burreli                                  (16:00)

Grupi B

“Play-off”-i:

Të shtunën, 20 prill 2019:

Bylis   – Lushnja                                          (16:00)

Besa – Egnatia Rrogozhinë                       (16:00)

“Play-out”-i:

Të dielën, 21 prill 2019:

Pogradeci – Elbasani                                   (15:00)

Tomori – Apolonia                            (15:00)