ASNN – Elbasani-Tomori, të shtunën (15:00) dhe Vllaznia-Besëlidhja, të dielën (15:00), takimet e përzgjedhura, nga transmetuesi publik. Pas ndërprerjes për shkak të ndeshjeve të Kombëtares në kuadër të Eliminatoreve të Evropianit të 2020-tës dhe rikthimit të premten në fushë të Kategorisë Superiore, edhe niveli i dytë i Kampionatit Kombëtar të Futbollit, Kategorisë së Parë, rikthehet në fushë në fundjavë me takimet e javës së saj të 21-të.

Natyrisht, spikat në grupin A përballja e së dielës në zonën e “play-off”-it, midis Vllaznisë dhe Besëlidhjes, që do të luhet në Stadiumin “Loro Boriçi” të Shkodrës, duke nisur nga ora 15:00. Kjo ndeshje do të sillet për sportdashësit drejtpërdrejt nga Rrjeti i Radio-Televizionit Shqiptar. Po në kuadër të zonës së “play-off”-it të grupit A, luhet të shtunën takimi Dinamo-Korabi i Peshkopisë, ndërsa dy takimet e zonës së “play-out”-it Vora-Burreli dhe Iliria e Fushë-Krujës – Shënkolli, luhen të dielën.

Ndërkaq, në Grupin B, në zonën e “play-off”-it, të shtunën luhen dy takimet Bylis-Egnatia e Rrogozhinës dhe Oriku-Lushnja, por edhe dy takimet e zonës së “play-out”-it, Turbina e Cërrikut-Apolonia dhe Elbasani-Tomori. Kjo e fundit do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 15:00.

Grupi A – Play-off-i

Të shtunën, 30 mars 2019:

Dinamo – Korabi Peshkopi             (15:00)

Të dielën, 31 mars 2019:

Vllaznia – Besëlidhja                       (15:00)

Grupi A – Play-out-i

Të dielën, 31 mars 2019:

Vora – Burreli                                                (15:00)

Iliria Fushë-Krujë – Shënkolli         (15:00)

Grupi B – Play-off-i

Të shtunën, 30 mars 2019:

Bylis – Egnatia Rrogozhinë                        (15:00)

Oriku – Lushnja                                (15:00)

Grupi B – Play-out-i

Të shtunën, 30 mars 2019:

Turbina Cërrik – Apolonia               (15:00)

Elbasani – Tomori                             (15:00)