ASNN – Java e 20-të e Kategorisë Superiore të Kampionatit Kombëtar të Futbollit do të luhet e ndarë në dy ditë, të premten dhe të shtunën. Sfida hapëse e kësaj jave do të jetë Kukësi-Egnatia, takim ky që do të luhet në të premten në Stadiumin “Kukës Arena”, duke nisur nga ora 13:30.

Në të njëjtën ditë do të zhvillohet edhe një tjetër sfidë, ajo midis Teutës dhe Tirana, ndeshja kjo që do të luhet në Stadiumin “Niko Dovana” të Durrësit, duke nisur nga ora 17:00. Tri ndeshjet e tjera të javës së 20-të të Kategorisë Superiore do të luhen të shtunën.

Sfida e parë e ditës do të jetë Erzeni-Vllaznia, që do të zhvillohet në Stadiumin “Egnatia Arena”, duke nisur nga ora 13:30. Në orën 17:00 do të luhen dy takimet e fundit, që premtojnë spektakël.  Në Stadiumin “Arena e Demave” në kryeqytet, Partizani do të përballet me Laçin, ndërsa në Korçë, Skënderbeu do të presë Dinamon.