ASNN – Erzeni me “marsh të 5-të”, Vllaznia kryen “ritualin” ndaj Teutës. Java e 16-të e Kategorisë së Parë në volejboll për meshkuj u zhvillua të shtunën, shumica e ndeshjeve të saj, ku spikatën padyshim fitoret e skuadrave të mëdha e pretendente. Kështu, Erzeni i Shijakut nuk e ul aspak ritmin e fitoreve dhe vijon të dominojë skenën e volejbollit të meshkujve këtë sezon.

Të shtunën mposhti në Korçë Skënderbeun me rezultatin 3-0, duke shkuar në 42 pikë, plot 6 pikë më shumë se Vllaznia e vendit të dytë. Sa i takon ndeshjes, shijakasit e kontrolluan lojën në të 3 setet, duke mbajtur ritëm fitoreje nga fillimi në fund. Ata i fituan të 3 setet, përkatësisht me shifrat 25-20, 25-18 dhe 25-20. Kjo fitore vetëm sa e konsolidon Erzenin në vend të parë.

Ndërsa Skënderbeu edhe pas kësaj jave arrin ta ruajë vendin e 4-t me 25 pikë, 3 pikë më shumë se Partizani i vendit të 5-të. Ky i fundit kishte fituar në ndeshjen hapëse të javës së 16-të ndaj Farka Volejit, 3-0, në një duel të luajtur ditën e premte. Ndërkohë, po të shtunën, Vllaznia, rivalja kryesore e Erzenit në rrugëtimin drejt titullit “kampion”, korri një fitore të lehtë dhe pa shqetësime ndaj Teutës, në Durrës, me rezultatin 3-0.

Më shumë se gjithçka tjetër për këtë ndeshje flasin shifrat, ku shkodranët fituan 25-14, 25-17 dhe 25-20. Një dominim total dhe një 3-pikësh që e ngjit Vllazninë në kuotën e 36 pikëve, dy më shumë se Tirana që ndodhet në vend të 3-të. Kjo e fundit mposhti Elbasanin të shtunën me rezultatin 3-1, duke ruajtur një profil të lartë në renditje.

Por dhe duke shpresuar për një surprizë të madhe këtë edicion, edhe pse përballë Erzenit dhe Vllaznisë gjithçka duket e pamundur këtë edicion. Në këtë ndeshje vetëm seti i parë foli për elbasanasit, që fituan 25-21, kurse 3 setet e tjera i fitoi Tirana përkatësisht me shifrat 25-21, 25-18 dhe 25-17. Me këtë humbje Elbasani vijon të mbetet i parafundit, pra në vend të 8-të, me vetëm 4 pikë në renditje.

Kampionati Kombëtar

i Volejbollit – Meshkuj

Java e 16-të

Të premten, 22 mars 2019:

Farka Volej – Partizani 0-3

Të shtunën, 23 mars 2019:

Teuta – Vllaznia                    0-3

Skënderbeu – Erzeni           0-3

Tirana – Elbasani                 3-0

Studenti                                 pushim

Renditja

Nr.       Skuadra         N.        F.         H.        Sete                Pikë

1. Erzeni                        15        14          1        44-8                42
2. Vllaznia         14        13          1        40-13              36
3. Tirana             15        11          4        39-21              34
4. Skënderbeu  14          8          6        29-22              25
5. Partizani        14          7          7        27-22              22
6. Studenti         14          7          7        23-25              21
7. Farka Volej    14          3        11        14-35                8
8. Elbasani        14          1        13          9-39                4
9. Teuta              14          0        14          1-42                0