ASNN – Përballje rivalesh në Ligën A, merr trajtë beteja për trofeun e dytë kontinental. Ka ofruar një numër përballjesh interesante shortin i fazës së grupeve, sidomos në nivelin më të lartë të saj, në Ligën A, aty ku militojnë përfaqësueset që mbajnë 16 vendet e para në renditjen e UEFA-s. Dhe, në fakt, të 4 grupet mund të cilësohen si “të hekurta”, pasi skuadrat që shorti ka vendosur përballë janë pak a shumë të të njëjtit nivel. Liga e Kombeve të Evropës, tashmë në edicionin e 4-t të saj, ka dhuruar një numër përballjesh interesante në shortin e fazës së grupeve, sidomos në nivelin më të lartë të saj, në Ligën A, aty ku militojnë përfaqësueset që mbajnë 16 vendet e para në renditjen e UEFA-s.

Dhe, në fakt, të 4 grupet mund të cilësohen si “të hekurta”, pasi skuadrat që shorti ka vendosur përballë janë pak a shumë të të njëjtit nivel. Kështu, nënkampionia e botës dhe kundërshtarja e Shqipërisë në Evropian, Kroacia, do të përballet në grupin A1, me fituesen e edicionit të parë të Ligës së Kombeve, Portugalinë, por edhe me Poloninë dhe Skocinë. Edhe më i ashpër është grupin B, aty ku kampionia në fuqi e Evropës, Italia, përballet me Belgjikën, por edhe nënkampionen e botës, Francën,  dhe Izraelin. E njëjta tablo është edhe në grupin A3, aty ku sfidojnë njëra-tjetrën Holanda, Hungaria, Gjermania dhe Bosnjë-Hercegovina, ndërsa në grupin A4, përballen Spanja, Danimarka, Zvicra dhe Serbia.

Në Ligën B, përveç grupit të Shqipërisë, në grupin B2, Anglia sfidohet nga Finlanda, Irlanda dhe Greqia, në grupin B3, Austria ndeshet me Norvegjinë, Sllovenia dhe Kazakistanin dhe grupin B4 ndodhen Uellsi, Islanda, Mali i Zi dhe Turqia. Ndërkaq, në Ligën C, përveç grupit të Kosovës, në grupin C1 përballen Suedia, Azerbajxhani, Sllovakia dhe Estonia, në grupin C3 Luksemburgu, Bullgaria, Irlanda e Veriut dhe Bjellorusia dhe në grupin C4 Armenia, Ishujt Faroe, Maqedonia e Veriut dhe Letonia. Dhe, së fundi, në dy grupet me nga 3 skuadra të Ligës D, në grupin D1, humbësja e duelit të “play-off”-it midis Lituanisë dhe Gjibraltarit ndeshet me San Marinon dhe Lihtenshtejnin, kurse në grupin D2 përballen Moldavia, Malta dhe Andorra.

Liga A

Grupi A1: Kroaci, Portugal, Poloni, Skoci

Grupi A2: Itali, Belgjikë, Francë, Izrael

Grupi A3: Holandë, Hungari, Gjermani, Bosnjë-Hercegovinë

Grupi A4: Spanjë, Danimarkë, Zvicër, Serbi

Liga B

Grupi B1: R. Çeke, Ukrainë, Shqipëri, Gjeorgji

Grupi B2: Angli, Finlandë, Irlandë, Greqi

Grupi B3: Austri, Norvegji, Slloveni, Kazakistan

Grupi B4: Uells, Islandë, Mali i Zi, Turqi

Liga C

Grupi C1: Suedi, Azerbajxhan, Sllovaki, Estoni

Grupi C2: Rumani, Kosovë, Qipro, Lituani/Gjibraltar*

Grupi C3: Luksemburg, Bullgari, Irlandë e Veriut, Bjellorusi

Grupi C4: Armeni, Ishujt Faroe, Maqedoni e Veriut, Letoni

Liga D

Grupi D1: Lituani/Gjibraltar*, San Marino, Lihtenshtejn

Grupi D2: Moldavi, Maltë, Andorrë