ASNN – Birmingam Siti e ka shkarkuar trajnerin Uejn Runi, pasi në 15 ndeshjet e fundit, skuadra ka fituar vetëm dy ndeshje. Ekipi i nivelit të dytë të kampionatit anglez të futbollit ka thënë se nën drejtimin e ish-lojtarit të Evertonit dhe Mançester Junajtid nuk janë përmbushur pritshmëritë e vendosura në fillim. Kështu, Uejn Runi nuk është më trajner i Birmingem Sitit. Trajneri i ri u shkarkua të martën, pas vetëm 83 ditësh në krye të ekipit anglez.
Legjenda angleze i humbi 9 nga 15 ndeshjet në krye të ekipit që militon në nivelin e dytë të kampionatit anglez të futbollit, që njihet si “Çampionship”, duke korrur vetëm 2 fitore dhe duke marrë edhe 4 barazime. Ai i grumbulloi vetëm 10 nga 45 pikët e mundshme, duke e lënë kështu Birmingamin jashtë garës për t’u rikthyer në Premier Ligë. Fatale për ish-futbollistin e Evertonit dhe Mançester Juanjtid ishte humbja 0-3 të hënën në mbrëmje përballë nga Lidsit. Birmingami aktualisht gjendet në vendin e 20-të në “Çempionship”, me 28 pikë nga 26 ndeshje të zhvilluara.
Kështu, Birmingami City e ka shkarkuar Runin, pasi, në 15 ndeshjet e fundit, skuadra ka fituar vetëm dy ndeshje. Klubi anglez ka deklaruar thënë, se nën drejtimin e Runit nuk janë përmbushur pritshmëritë e vendosura në fillim. “Megjithë përpjekjet, rezultatet nuk i kanë përmbushur pritshmëritë që u bënë të qarta në fillim, – thuhet ndër të tjera në një komunikatë për shtyp të klubit, që vijon: “Prandaj, bordi mendon se një ndryshim në drejtim është në interesin e klubit.” Birmingem Siti ka shkarkuar edhe ndihmëstrajnerin Karl Robinson.
Duke reaguar mbi këto vendime, ish-futbollisti i Mançester Junajtid ka thënë se do t’i duhet pak kohë për të kapërcyer këtë sfidë, duke theksuar: “Personalisht, do të më duhet pak kohë për ta kapërcyer këtë pengesë. Unë jam përfshirë në futbollin profesionist, qoftë si lojtar apo si trajner, që kur isha 16 vjeç. Tani, kam në plan të kaloj pak kohë me familjen time ndërsa përgatitem për mundësinë e radhës në rrugëtimin tim si trajner”, ka thënë 38-vjeçari në një postim në rrjetin social “Facebook”.
