ASNN – Huan Mata është mesfushori më i mirë në Angli që nga sezoni 2011-2012. Spanjolli që i kushtoi Çellsit 22.8 milionë euro dhe më pas Mançester Junajtid 33.44 milionë të tjera, spikat në konkurrencën me rivalë luksi. Spanjolli që mposhti Liverpulin në fundjavë regjistron 31 gola e 34 pasime për gola në 3 sezone e gjysmë.
Pas tij vjen një tjetër spanjoll, David Silva. Edhe ai, i transferuar nga Valencia në Angli, ka shënuar deri tani 26 gola e ka dhënë 35 pasime për gola. Një tjetër mesfushor i Mançester Sitit shfaqet në këtë klasifikim. Jaja Ture është autor i 40 golave dhe 20 pasimeve për gola.
Dy mesfushorët e “Qytetarëve” kanë luajtur një sezon më shumë në Angli sesa kolegu i tyre te “Djajtë e kuq”. Ndërkaq, 34 gola e 24 pasime për gola regjistron Eden Hazard që u shfaq në Angli një sezon pas Huan Matës. 33 gola e 25 pasime për gol e pozicionojnë vetëm të 5-tin Stivën Xherrardin.
Legjenda e Liverpulit ka luajtur më shumë se 4 kolegët paraardhës në Premier Ligën Angleze dhe do të largohet prej saj në fundin e këtij sezoni.
