ASNN – Portieri i Himarës, Dorinel Sadikllari, në një deklaratë të dhënë për gazetat sportive të ditës ka bërë parashikimin e tij në lidhje me ndeshjen që do të luhet të dielën ndaj Gramozit.

“Po vijojmë intensivisht përgatitjet përpara kësaj ndeshjeje të rëndësishme dhe tepër delikate për vazhdimësinë”, – ka deklaruar Sadikllari, duke folur për këtë ndeshje të radhës të Himarës.

“Por duke marrë parasysh se vijmë pas një humbjeje të thellë ndaj Bilishtit, ndaj Gramozit në fushën tonë duhet të bëjmë autokritikë dhe ta fitojmë këtë ndeshje”, – ka theksuar ai.

“Ftojmë të gjithë tifozët himarjot që të vijnë e të na mbështesin, ndërsa premtimi ynë është se nuk do t’i zhgënjejmë”, – ka përfunduar portieri i Himarës, Dorinel Sadikllari.