ASNN – Futbollisti i Himarës, Stivi Breshani, në një deklaratë të dhënë për gazetat sportive të ditës, ka deklaruar: “Fitorja në Rrogozhinë na ka shërbyer në shumë aspekte.”

“Gjithsesi ajo ndeshje iku dhe ne tashmë po vijojmë me intensitet përgatitjet në vigjilje të sfidës së radhës, që do ta luajmë në shtëpi ndaj Turbinës, – ka vijuar ai. – Një sfidë tepër delikate për vazhdimësinë, por objektivi ynë është fitorja.”

“E dimë që kjo ndeshje ka rëndësinë e vështirësitë e veta, por për ne nuk ka justifikim. Na duhen me patjetër 3 pikët dhe do t’i marrim ato. Shpresoj shumë tek rikthimi i tifozëve në stadium dhe i bëj thirrje të jenë sa më të shumtë në numër”, – ka përfunduar Breshani.