ASNN – Mbyllen “play-off”-et, përvijohen betejat kryesore, hedhja e shortit, sonte drejtpërdrejt në RTSH 1. Ky sezon sjell në Rrjetin e Radio-Televizionit Shqiptar një një tjetër ekskluzivitet madhor sportiv, siç është Liga e Kampioneve. Dhe sonte hidhet shorti i fazës së grupeve, që do të sillet për sportdashësit drejtpërdrejt në kanalin RTSH 1, duke nisur nga ora 18:00.
Pasi ka njohur të martën 3 skuadrat e para që kalojnë në fazën e grupeve, veprimtaria më prestigjioze e klubeve të kontinentit në futboll, Liga e Kampioneve, i ka luajtur të mërkurën të 3 dueleve të tjera të “play-off”-eve, nga ku kanë dalë edhe 3 skuadrat e fundit që shkojnë në fazën e grupeve. Kjo veprimtari është një tjetër ekskluzivitet madhor sportiv i Rrjetit të Radio-Televizionit Shqiptar dhe takimi më i spikatur i mbrëmjes së të mërkurës ishte ai që u luajt në Ukrainë, midis Shahtjorit të Donjeckut dhe Monakos.
Kjo ndeshje u soll për sportdashësit drejtpërdrejt nga Rrjeti i Radio-Televizionit Shqiptar në kanalin RTSH 1 dhe vendasit e patën fituar me një gol të vetëm takimin e parë, të luajtur në Francë. Dhe ata ia kanë dalë ta mbrojnë këtë fitore edhe në shtëpi përballë skuadrës së Principatës, teksa ndeshja e kthimit është mbyllur në barazim 2-2, por vetëm pas kohës shtesë.
Kështu janë njohur tanimë 32 skuadrat që vazhdojnë më tej betejën për këtë trofe madhor të futbollit kontinental të klubeve. Dhe sonte hidhet shorti i fazës së grupeve, që do të sillet për sportdashësit drejtpërdrejt në kanalin RTSH 1, duke nisur nga ora 18:00.
