ASNN – Pasditen e kësaj të enjteje u hodh në Monako shorti i fazës së grupeve të veprimtarisë më prestigjioze të Ligës së Kampioneve, ku pavarësisht ndryshimit të rregullores së shortit përplasjet e mëdha në këtë fazë nuk u shmangën.

Rregullorja e shortit këtë vit kishte ndryshime, pasi në vazon e parë ishin kampionët e 8 ligave të mëdha evropiane, Spanjës, Anglisë, Gjermanisë, Italisë, Portugalisë, Francës, Rusisë dhe Holandës, duke shmangur kështu përballjet e kampionëve të tyre që në fazën e grupeve.

Kampionët e Francës, Paris SG-së, janë në grupin A së bashku me Realin e Madridit, Shahtjorin e Donjeckut dhe suedezët e Malmoes.

Shorti ka vënë në të njëjtin grup edhe Juventusin me anglezët e Mançester Sitit, së bashku me fituesen e Ligës së Evropës, Sevilja. Ekipi i katërt në grupin D është Borusia e Mënshengladbahut

Ndeshjet e para të kësaj faze do të luhen të martën e 15 shtatorit 2015, ndërsa ndeshja finale e Ligës së Kampioneve të këtij sezoni do të luhet më 28 maj 2016 në Stadiumin “San Siro” të Milanos.

Liga e Kampioneve 2015-2016

Shorti i fazës së ndeshjeve në grupe

Grupi A:

1. Paris SG
2. Reali i Madridit
3. Shahtjori i Donjeckut
4. Malmoe

Grupi B:

1. PSV Eind’hoveni
2. Mançester Junajtid
3. CSKA Moska
4. Volfsburgu

Grupi C:

1. Benfika
2. Atlétiko e Madridit
3. Gallatasaraji
4. Astana

Grupi D:

1. Juventusi
2. Mançester Siti
3. Sevilja
4. Borusia e Mënshengladbahut

Grupi E:

1. Barcelona
2. Bajer Leverkuseni
3. Roma
4. BATE Borisovi

Grupi F:

1. Bajerni i Mynihut
2. Arsenali
3. Olimpiakosi
4. Dinamo e Zagrebit

Grupi G:

1. Çellsi
2. Porto
3. Dinamo e Kievit
4. Makabi i Tel-Avivit

Grupi H:

1. Zeniti i Shën Pjetërburgut
2. Valencia
3. Lion
4. Gent