ASNN – Shorti i Ligës së Kampioneve për turin e 16-shes ka përcaktuar tashmë 8 çiftet që do të luajnë për kualifikimin e mëtejshëm. Bien në sy çifte të tilla si Roma-Real i Madridit dhe Juventus-Bajern i Mynihut apo dhe Paris SG-Çellsi dhe Arsenal-Barcelona. Më pas është hedhur edhe shorti për Ligën e Evropës. Kështu, është hedhur në Nion të Zvicrës shorti për fazën e parë me eliminim të Ligës së Kampioneve.

Dhe 16 skuadrat më të mira të kampionateve evropiane, të kualifikuara nga faza e grupeve, kanë qenë në pritje të fatit që do t’u servirej në rrugën për më tej. Por goglat kanë qenë të pamëshirshme për disa prej skuadrave të mëdha. Të pafat kanë qenë skuadrat italiane, Roma dhe Juventus të cilat do të përballen përkatësisht me Realin e Madridit dhe Bajernin e Mynihut.

Dy çifte me përballje gjigandësh janë edhe Paris SG-Çellsi e Arsenal-Barcelona. Pra 4 prej këtyre skuadrave në përfundim të ndeshjeve të para, do t’i thonë “lamtumirë” Ligës së Kampioneve, pa mundur të shkojnë në çerekfinale. Ndeshjet e para të turit të 16-shes së Ligës së Kampioneve do të luhen më 16 dhe 17 shkurt, dhe më 23 dhe 24 shkurt 2016.

Më vonë në Nion është hedhur edhe shorti i Ligës së Evropës për turin e 32-shes, i cili ka patur suprizat e veta. Kështu, Fiorentina do të luajë ndaj Totenhemit. Sfida tepër të baraspeshuara janë edhe ato Borusia e Dortmundit-Porto, Sporting i Lisbonës-Bajer Leverkusen dhe Vijarelal-Napoli. Ndeshjet e para të kësaj faze të Ligës së Evropës do të luhen më datë 18, ndërsa ato të kthimit më 25 shkurt 2016.

Liga e Kampioneve

2015-2016

Shorti i Turit të 16-shes:

16 shkurt 2016:

Benfika (Portugali) – Zenit Shën Pjetërburg (Rusi)                   (20:45)

Paris SG (Francë) – Çellsi (Angli)                                                 (20:45)

17 shkurt 2016:

Genti (Belgjikë) – Volfsburgu (Gjermani)                                      (20:45)

Roma (Itali) – Real i Madridit (Spanjë)                                          (20:45)

23 shkurt 2016:

Arsenal (Angli) – Barcelona (Spanjë)                                           (20:45)

Juventus (Itali) – Bajerni i Mynihut (Gjermani)                            (20:45)

23 shkurt 2016:

PSV Eind’hoven (Holandë) – Atlétiko e Madridit (Spanjë)        (20:45)

Dinamo e Kievit (Ukrainë) – Mançester Siti (Angli)                    (20:45)

Liga e Evropës

2015-2016

Shorti i turit të 32-shes:

16 shkurt 2016:

Fenerbahçe – Lokomotiva e Moskës        (18:00)

18 shkurt 2016:

Anderleht – Olimpiakos                               (20:45)

Augsburg – Liverpul                                     (20:45)

Borusia e Dortmundit – Porto                     (20:45)

Midtjylland – Mançester Junajtid                (20:45)

Fiorentina – Totenhem Hotspër                 (20:45)

Gallatasaraj – Lacio                                      (20:45)

Olimpik i Marsejës – Atletiko e Bilbaos     (20:45)

St. Etienë – Bazel                                         (20:45)

Sevilja – Molde                                              (20:45)

Shahtjor i Donjeckut – Shalke 04              (20:45)

Sion – Braga                                                  (20:45)

Sparta e Pragë – Krasnodar Kuban          (20:45)

Sporting i Lisbonës – Bajer Leverkusen   (20:45)

Valencia – Rapid i Vjenës                           (20:45)

Vijareal – Napoli                                            (20:45)