Shqipëria e hendbollit për femra për moshën deri në 19 vjeç sot do të nisi garimin e vet në turneun e vendeve në zhvillim, një veprimtari që ka në ndërthurje Federatën Evropiane dhe atë Botërore. Skuadra kuqezi, e cila drejtohet nga Sekretari i Përgjithshëm i Federatës Shqiptare të Hendbollit, Armand Çakalli, dhe kryegjyqtari i garave Shpëtim Lamçe, gjendet që dje në Tbilisi të Gjeorgjisë.
Dje ka bërë stërvitjen e fundit në Pallatin e Sportit në Tbilisi, ndërsa ndeshjen e parë do ta luajë sot në ora 16:00 përballë Letonisë. Më pas të mërkurën në ora 14:00 do të jetë përballë Qipros dhe të enjten në ndeshjen e fundit në grup në ora 18:00 ndaj Gjeorgjisë. Për herë të fundit, kjo kombëtare ka marrë pjesë në një veprimtari të tillë më 2006-ën, kohë në të cilën stërvitej nga Maks Kristo.
Dhe i ka humbur të gjitha ndeshjet e saj, respektivisht ndaj Estonisë 11-54, ndaj Anglisë 35-13, ndaj Gjeorgjisë 1-61, ndaj Ishujve Faroe 1-81 dhe ndaj përsëri Anglisë, 31-6. Tashmë edhe duke marrë vajza nga Italia, të paktën edhe sipas Çakallit shpresohet në një paraqitje ndryshe të kësaj kombëtareje në Gjeorgji, ndërsa ndeshjet nisin sot me përballjen ndaj Letonisë.
