Gjeorgjia ka rezultuar përsëri “kockë e fortë” për tonat në hendboll në turneun e vendeve në zhvillim që organizohet në bashkëpunim mes Federatës Botërore dhe Evropiane.

Nëse dhjetë vjet më parë na ka mundur në Bosnje-Hercegovinë 1-61, tanimë ka një lloj përmirësimi, 6-44. Por në fund “fatura” shënon përsëri humbje, ndërsa ndeshjet në grupe janë mbyllur me tre disfata, 0 pikë, 15 gola të shënuar dhe 133 gola të pësuar.

Dje pjesa e parë ka përfunduar 1-21, kurse në të dytën 5-23 dhe në total 6-44 për Gjeorgjinë. Aliaj për vajzat kuqezi dhe Kitesashvili janë lojtaret më të mira të ndeshjes. Përfundimisht, të paktën deri më tani, një turne i dështuar në hendboll.

Gjeorgji – Shqipëri                                        44-6

Shënuese: Kitesashvili (15), Gadilia (6),

Gvaladze (11), Venetski, Kvelashvili, Shirgadze (3),

Kunelashvili (2), Beridze (2), Javakadez (3) /

Konini, Aliaj (2), Gozhdari (2), Zavalani

Gjeorgjia: Kitesashvili, Gadilia, Vardishvili, Gvaladze, Shogovadze, Javakia, Shokeli / Venetski, Kvelashvili, Shashua, Shirgadze, Kunelashvili, Beridze, Javakadze. Trajner: G. Gvazava

Shqipëria: Muzha, Delia, H. Zajmi, Konini, Aliaj, Gozhdari, Beqo / S. Zajmi, Zavalani. Trajner: Sh. Lamçja

Gjyqtarë: A. Hese, A. Martin (Britani e Madhe)

Karton i verdhë: Muzha