ASNN – Kategoria e Parë e Kampionatit Kombëtar të Futbollit i ka luajtur të shtunën pasdreke të 4 ndeshjet e javës së 16-të në grupin A, apo grupin e Veriut. Dhe takimi më i spikatur ka qenë ai që u luajt në Stadiumin “Tofik Jashari” të Shijakut, ku Erzeni priti Kastriotin.

Kjo përballje, që u soll për sportdashësit drejtpërdrejt nga Rrjeti i Radio-Televizionit Shqiptar, në kanalin RTSH Sport, u mbyll me rrjeta të paprekura. Ndërkaq, të gjitha takimet e grupit B apo grupit të Jugut luhen të dielën dhe midis tyre spikat dueli i Fierit, midis Apolonisë dhe Devollit.

Kjo ndeshje do të sillet për sportdashësit drejtpërdrejt nga Rrjeti i Radio-Televizionit Shqiptar, në kanalin RTSH Sport, duke nisur nga ora 14:00. Po në të njëjtën orë nisin të luhen edhe 4 takimet e tjera, Shënkolli – Oriku, Iliria e Fushë-Krujës – Elbasani, Turbina e Cërrikut – Lushnja dhe Besa – Pogradeci.

Kategoria e Parë

Java e 16-të:

Grupi B

Të dielën, 22/02/2020:

Apolonia – Devolli                            (14:00)

Shënkolli       – Oriku                        (14:00)

Iliria Fushë-Krujë – Elbasani          (14:00)

Turbina Cërrik          – Lushnja       (14:00)

Besa – Pogradeci                             (14:00)