ASNN – Kategoria e Dytë ka ngritur siparin e sezonit të ri, me ndeshjet e javës së parë të të dy grupeve të saj. Kështu, në grupin A, apo grupin e Veriut, Luzi 2008 e ka nisur në mënyrën më të mirë sezonin, teksa ka triumfuar 3-1 ndaj Tiranës B. Ndërkaq, Vora dhe Teuta B kanë ndarë nga një pikë në ndeshjen e parë për këtë sezon futbollistik.
Sfida midis Erzenit dhe Domosdovës ka nisur me 1 minutë heshtje në nderim të ish-kryebashkiakut të vitit 2003-2007, Igli Çela, i cili është ndarë nga jeta, si dhe të Petrit Osmanit, një prej tifozëve të zjarrtë të Erzenit. Më pas loja ka nisur e shpejtë për vendësit, të cilët e kanë dominuar takimin, duke fituar me shifrat 4-2.
Kurse Sukthi nuk ia ka dalë dot në ndeshjen e parë, teksa është mundur nga Korabi 2-1 dhe Albpetroli e ka nisur me fitore kampionatin, teksa ka mundur 2-0 Skraparin. Ndërkohë, sezoni i ri i Kategorisë së Dytë ka nisur në mënyrën më të keqe për skuadrën e Olimpikut.
Ndeshja e parashikuar të luhej dje në Krujë ndaj Shënkollit, që ishte edhe e para për këtë kampionat, nuk është zhvilluar. Shkak për këtë është bërë fakti se klubi i Olimpikut nuk ka paguar detyrimet në Federatën Shqiptare të Futbollit e për këtë arsye nuk është lejuar zhvillimi i ndeshjes.
Në bazë të rregullores dhe vendimit të Komitetit Ekzekutiv të federatës në fillim të javës së kaluar, Shënkolli e fiton ndeshjen 3-0 në tavolinë
Kategoria e Dytë
Grupi A
Java e parë
(28 shtator 2014)
Luzi 2008 – Tirana B 3-1
Shënkolli – Olimpik (nuk është zhvilluar)
Vora – Teuta B 0-0
Erzeni – Domosdova 4-2
Sukthi – Korabi 1-2
Albpetrol – Skrapari 2-0
Partizani B pushim
Renditja
Nr. Skuadra N. F. B. H. Gsh-Gp Pikë
- Erzeni 1 1 0 0 4-2 3
- Luzi 2008 1 1 0 0 3-1 3
- Albpetroli 1 1 0 0 2-0 3
- Korabi 1 1 0 0 2-1 3
- Teuta B 1 0 1 0 0-0 1
- Vora 1 0 1 0 0-0 1
- Sukthi 1 0 0 1 1-2 0
- Domosdova 1 0 0 1 2-4 0
- Tirana B 1 0 0 1 1-3 0
- Skrapari 1 0 0 1 0-2 0
- Olimpik 0 0 0 0 0-0 0
- Partizani B 0 0 0 0 0-0 0
13. Shënkolli 0 0 0 0 0-0 0
