ASNN – Granit Xhaka i ka hedhur poshtë spekulimet se është pranë kalimit te gjigandi bavarez, Bajerni i Munihut.
Ditëve të fundit është shkruar se mesfushori me prejardhje nga Kosova, pritet t’i bashkohet Bajernit të trajnerit Pep Guardiola, por, një gjë të tillë e ka përgënjeshtruar Xhaka.
“Nuk e kam idenë se nga dalin gjëra të tilla në gazeta, – tha Xhaka për “Ran.de”. – Ato duhet të dinë më shumë se unë.”
“Vetëm mund të them se unë kurrë nuk kam pasur asnjë marrëveshje me Bajernin”, – shtoi Xhaka.
Ai shtoi gjithashtu, se nuk do të shkojë në asnjë skuadër për të qenë mesfushori i katërt apo i 5-të, por te ajo skuadër ku do të ishte i rëndësishëm sikundër te Borusia e Mënshengladbahut.
