ASNN – Barcelona kërkon Granit Xhakën. Lajmi jepet nga mediat spanjolle, që u referohen burimeve nga brenda klubit katalan. Madje, janë pikërisht menaxherët e klubit që po e ndjekin Xhakën në Bundesligën gjermane, me shpresë se mund ta marrin në qershor.
Pas lajmit të dhënë në “Mundo Deportivo” se Barcelona ka dërguar “spiunë” në ndeshjen e sotme, Juventus-Borusia e Mënshengladbahut për të vëzhguar mesfushorin, ka folur vet kosovari, që ndjehet i nderuar nga interesimi i gjigandes spanjolle.
“Unë nuk di asgjë për këtë, por sigurisht që është gjithmonë bukur për të dëgjuar se ekipe të mëdha interesohen për mua. Sidoqoftë, jam hëpërhë i përqendruar vetëm të Borusia e Mënshengladbahut”, – përfundoi futbollisti kosovar i përfaqësueses zvicerane, Granit Xhaka.
