Duket diçka e pabesueshme por për kushtet e kampionatit tonë, Pero Pejiç është një goleador i vërtetë, që krahasohet në kampionatet elitare me sulmuesit më të mirë në botë.

21 golat e shënuar në kampionat janë një shifër e njëjtë me atë që ka shënuar Luis Suarez dhe Zlatan Ibrahimoviç përkatësisht me Barcelonën dhe Paris SG-në. Në fakt, Pejiç ndjek Mesin, Ronaldon dhe Nejmarin në klasifikimin evropian.

Kryegolashënuesi i kampionatit tonë ka të drejtë të mburret dhe është fakt që sulmuesi kroat po e dominon kampionatin tonë prej disa vitesh, duke qenë golashënuesi më i dalluar.

Nuk është e rastësishme që ai kërkohet nga të gjitha klubet brenda vendit, pasi është potencialisht një sulmues që të afron me objektivat për trofe.