Godelli: E kam ditur që kjo ditë do të vinte, tani, për medaljen olimpike

Share Button

Daniel_Godelli-shtanga-lart-plan-i-madh

Gjergj Vyshka 13.11.2014 17:05

Festa mbërthen hotelin ku është grumbulluar kombëtarja kuqezi e peshëngritjes në Almati. Daniel Godelli krenar për titullin “kampion bote”: “Emocion i veçantë, nderova Shqipërinë, por dhe të gjithë mbështetësit e mi në peshëngritje. Është një titull për të gjithë shqiptarët”. Daniel Godelli, padyshim ylli i peshëngritjes shqiptare ndan me të gjithë bashkëkombësit e tij titullin e kampionit të botës për një tjetër motiv krenarie mbarëkombëtare. Vetëm pak orë pasi është ngjitur në çatinë e botës, 22-vjeçari rrëfen: “Ishte një emocion i veçantë sepse kam shumë muaj që punoj për këtë ditë dhe në ato 5 minutat e garës më iku gjithë ajo lodhje që kisha”, – ka deklaruar ai.

“Më iku gjithë ai stres para garës, kështu që jam shumë i lumtur, – ka vijuar peqinasi i shtangës kuqezi. – Unë e kam ëndërruar këtë ditë që të vinte. Jam stërvitur fort për këtë ditë, kështu që e prisja pavarësisht se tani që ia dola ndihem shumë më i lumtur nga sa e kisha imagjinuar”. Natyrisht që titulli botëror nuk është një mision i lehtë, por Godelli ka qenë i përgatitur për këtë arritje në të gjitha aspektet. “Nga ana psikologjike ndihesha shumë mirë sepse kisha shumë njerëz afër që më jepnin kurajë, kështu që nuk e kisha problem. Pesha më mundoi pak, por ja dola”.

Pyetjes se cili ishte momenti më emocional i garës dhe kureshtja se përse nuk arriti të thyente rekordin botëror i është përgjigjur: “Momenti më emocional ishte kur tentova të thyeja rekordin e botës. E kisha provuar atë peshë edhe në stërvitje në palestër, por për një pakujdesi të vogël nuk arrita ta thyej”.Thyerja e rekordit tashmë mbetet në listën e gjërave që mbeten për tu bërë, ashtu si dhe medalja olimpike. “Unë di të them që me punë bëhet gjithçka, – ka vijuar shtangisti kuqezi. – Kam punuar, jam stërvitur fort, jam munduar për këtë ditë dhe ia arrita ta bëj.”

“Dhe premtoj që më shumë do të bëj, – ka premtuar ai. – Shpresoj që ta plotësoj koleksionin tim dhe me medaljen olimpike që të ndihem i plotësuar”. Gara e Godellit ka mbajtur me frymën pezull të gjithë ata që e kanë ndjekur , por padyshim emocionet kanë qenë të shumëfishuara për presidentin e FSHP, Elez Gjoza që ishte pranë Godellit në ato momente. Ndërkohë festa ka qenë e madhe në hotelin e kuqezinjve, jo vetëm me sportistë pjesë e delegacionit, por dhe me drejtorin e sporteve në Ministrinë e Arsimit dhe Sportit, Vladimir Gjonajn, Luan Shabanin dhe Ilir Kullën.

Dhe pritet që një festë më e madhe të jetë në aeroportin “Nënë Tereza” të Rinasit kur të vijnë kuqezinjtë.

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

(Video) Kombëtarja / Silvinjo: Luajmë para tifozëve tanë, japim gjithçka!

(Video) Kombëtarja / Silvinjo: Luajmë para tifozëve tanë, japim gjithçka!

AlbanianSport.com 15/11/2024 20:45 ASNN – I pyetur në konferencën për shtyp të të premtes, në prag

Video) Kombëtarja / Silvinjo: Çekia, një “njohje e vjetër”, por lipset 100%

Video) Kombëtarja / Silvinjo: Çekia, një “njohje e vjetër”, por lipset 100%

AlbanianSport.com 15/11/2024 19:35 ASNN – Duke iu referuar më tej në konferencën e tij për shtyp

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh