ASNN – Ai është njëri nga lojtarët më të spikatur të brezit të tij me Mançester Junajtid dhe natyrisht, fjala e tij ka peshë, për më tepër tanimë që është pjesë e rrafshit mediatik të ekspertëve të futbollit. Geri Nevill ka treguar se ai dikur mendonte që Adnan Januzaj do të ishte “absolutisht i një klasi botëror”.

Januzaj iu ishte bashkuar “Djave të kuq” në vitin kur Nevilli i dha fund karrierës së tij si futbollit. Por ish-mbrojtësi i Mançester Junajtid ka qenë dëshmitar i rritjes së shqiptarit, teksa vijoi të punonte si ekspert i futbollit. Në tetor të vitit 2013, Januzaj shënoi dy gola ndaj Sandërlendit.

Ishte ndeshja e tij e parë parë në kampionat, në të cilën e nisi si titullar, atëherë nën urdhërat e David Mojesit. Por, më pas karriera e tij te Mançester Junajtid nuk u zhvillua ashtu si pritej. Tashmë futbollisti i përfaqësueses së Belgjikës luan te Real Sociedadi në Spanjë.

Prandaj Nevilli ka thënë se ka mbetur i zhgënjyer me ndikimin e vogël të Januzajt në lojën e “Djajve të kuq”.“Për Januzajn kam menduar se do të jetë absolutisht i klasit botëror, por ai ka dështuar”, ka thënë Nevill për “Sky Sports”. Geri Nevill ka luajtur 400 ndeshje për Mançester Junajtid, nga viti 1992, deri në vitin 2011.