Tirana e Artur Angonit dje ka luajtur “tenis” me KS Ali Demin në derbin e kryeqytetit për futbollin e sallës, në një ndeshje e cila ka qenë në kuadrin e javës së 8-të. Bardheblutë e Artur Angonit janë treguar më të saktë dhe më të qetë në administrimin e situatave në këtë ndeshje, ndërsa nuk janë befasuar dhe nga fakti që KS Ali Demi kishte marrë dy malazezë. Dy njohje të vjetra për skuadrën e Ergys Kadiut, por që duket se duan kohë për t’u përshtatur me pjesën tjetër të ekipit.

Jashtë natyrës së vet, KS Ali Demi e ka kërkuar ta nxjerrë me forcë golin dhe fitoren. Por nuk ia arritur dot qëllimit, sepse Tirana ka goditur që në fillim me anë të Sinës. Ndeshja ka pasur dhe momente tensioni, jo vetëm brenda parketit për shkak të ndërhyrjeve të forta, apo dhe faulleve që jepnin gjyqtarët, por dhe nga stolat përkatës. Veçanërisht, pjesa e Tiranës duket se ka qenë më e tensionuar, ndonëse e ka fituar me shumë zgjuarsi këtë ndeshje.

Gjashtë kartonë të verdhë kanë dhënë gjyqtarët Zdrava e Muça, kurse dy minuta përpara përfundimit të pjesës së parë ka shënuar përsëri Sina dhe 2-0. Në pjesën e dytë do të firmosnin dygolësha Bylyku dhe Xhaferraj. Madje Bylyku, në një moment të hedhjes totale në sulm të KS Ali Demit, ka shënuar nga porta në portë. Goli i Meçikukiçit ka vlejtur sa për statistikë, ndërsa KS Ali Demi, edhe pse është kryesuese së bashku me Flamurtarin duket se nuk po e gjen më të mirën e vet.

Sepse dhe kur ka fituar, jo pak ka pasur luhatje në lojën e saj. Pas këtij derbi mund të thuhet që është kthyer bindshëm Tirana.

KS Ali Demi – Tirana                        1-6

Shënues: Meçikukiçi 36’ / Sina 3’, 18’,

Bylyku 27’, 37’, Xhaferraj 31’, 33’

KS Ali Demi: Meçikukiç, Bllumbi, Baroviç, Spahiu, Thanasi / Bajollari, Veli, Kaca, Deliallisi. Trajner: E. Kadiu

Tirana: Enesi, Bylyku, Gjoni, Kardhashi, E. Hoxha / Sina, Mullai, H. Hoxha, Xhaferraj. Trajner: A. Angoni

Gjyqtarë: A. Zdrava, D. Muça (Elbasan)

Kartonë të verdhë: Bllumbi, Bajollari, Veli / Bylyku, Kardhashi, E. Hoxha

Kampionati i 12-të Kombëtar

të Futbollit të Sallës

Java e 8-të

(22 shkurt 2015)

Të dielën:

Flamurtari – Universiteti Epoka                 18-3

Teuta – Black Sheep                       (nuk u zhvillua)

KS Ali Demi – Tirana                                   1-6

Vllaznia – Edro Vlora                                  4-1

Renditja

Nr.       Skuadra         N.        F.         B.        H.        Gsh-Gp          Pikë

1. Flamurtari 8          6          1          1          61-20              19
2. KS Ali Demi 8          6          1          1          40-30              19
3. Tirana 8          5          2          1          51-26              17
4. Vllaznia 8          4          2          2          45-27              14
5. Edro Vlora 8          4          0          4          25-35              12
6. Teuta 7          2          0          5          29-42              3
7. Black Sheep 7 1          0          6          15-36              0
8. U. Epoka 8          0          0          8          39-89              0

Shënim: Black Sheep me vendim të Komisionit të Disiplinës është përjashtuar nga kampionati