Ndodh për herë të parë që një kombëtare e futbollit 5 kundër 5 të bëjë grumbullim jashtë Shqipërisë, por sot, në Prishtinë, kombëtarja e futbollit të sallës, e drejtuar nga Erind Resuli, do të nisë përgatitjet për veprimtaritë ndërkombëtare.
Bëhet fjalë për turin paraeleminator të Kampionatit Evropian të Futbollit të Sallës, ndërsa kuqezinjtë, nga data 23, deri më 28 janar 2017, do të jenë në Varna të Bullgarisë përballë ekipi vendës, Anglisë dhe Maltës.
Sigurisht që kërkohet kalimi i këtij turi, ndërsa pjesa më e madhe e lojtarëve vijnë nga kampionati kosovar dhe i huaj, sepse në Shqipëri duket sikur janë fishkur ekipet e kësaj disipline të futbollit.
E megjithatë kombëtarja e futbollit të sallës ekziston dhe është gjithnjë pjesëmarrëse në aktivitetet ndërkombëtare.
Kampionati Evropian
i Futbollit të Sallës
Turi paraeleminator
Grupi D
Kalendari i plotë i ndeshjeve:
24 janar 2017:
Angli – Maltë ora 17:30
Bullgari – Shqipëri ora 20:30
25 janar 2017:
Shqipëri – Angli ora 17:30
Bullgari – Maltë ora 20:00
27 janar 2017:
Shqipëri – Maltë ora 17:30
Bullgari – Angli ora 20:00
Lista e lojtarëve të thirrur në kombëtaren e futbollit të sallës:
Fidan Gashi (portier, Feniks), Klodian Rrapi (portier, KS Ali Demi), Mentor Mezini (mbrojtës, Feniks), Roald Halimi (mbrojtës, Pezaro Fano), Azem Brahimi (mbrojtës, Ben Ago), Taulant Shkodra (sulmues, Gajant Futsal), Endrid Kaca (sulmues, Lija), Arbër Shkodra (sulmues, Betune Futsal), Rej Karaja (sulmues, Prato), Halim Selmanaj (sulmues, FC Liburn), Gentian Begaj (mbrojtës, Athina’90), Narçis Alibegu (mbrojtës, Feniks), Ani Mullai (mbrojtës, Feniks), Raldi Agolli (mbrojtës, Nobel Bojs).
