ASNN – Ka nisur prej pak ditësh Kampionati Kombëtar i Futbollit të Sallës, i organizuar nga Federata Shqiptare e Futbollit, që është rikthyer në parket pas një ndërprerjeje të imponuar nga epidemia e “Covid-19”-ës. Në këtë kampionat marrin pjesë 4 ekipe, që do të përfaqësojnë 4 qytete të vendit: Tirana (Tirana Futsall), Durrësi (Diamant Futsall), Elbasani (Elbasani Futsall) e Vlora (Flamurtari Futsall).

Në javën e parë të kampionatit Flamurtari FC priti në shtëpi Tirana Futsall, me miqtë që triumfuan me rezultatin   3-1, ndërsa sfida tjetër Elbasani Futsall-Diamant Futsall u mbyll me rezultatin 5-10 në favor të miqve nga Durrësi. Në javën e dytë Flamurtari FC mposhti Elbasani Futsall me shifrat 10-5, kurse Tirana Futsall regjistroi edhe suksesin e dytë ndaj Diamant Futsal, pasi fitoi 4-2.

Ekipi kryeqytetas është i vetmi me pikë të plota pas dy javve të para, ndërsa ekipet e tjera kanë nga një fitore. Java e tretë do të luhet këtë fundjavë me sfidat Elbasani Futsall-Tirana Futsall, të shtunën, dhe Diamanti Futsall-Flamurtari FC, të dielën. Ky kampionat do të zhvillohet për 6 javë me radhë, me ndeshjet që do të luhen me sistem vajtje-ardhje e do të vijojë më pas me fazën e “play-off”-it.

Për të përcaktuar më pas edhe fituesen e parë të këtij kampionati, që do të ketë mundësinë të përfaqësojë Shqipërinë në Ligën e Kampioneve të Evropës në Futbollin e Sallës. Çdo skuadër do të ketë në dispozicion 22 lojtarë, teksa në fushë do të zbresin 5 lojtarë. Në këtë kampionat, të gjithë pjesëmarrësit do të jenë shqiptare dhe nuk do të marrin pjesë lojtarë të huaj.

Kampionatit Kombëtar

i Futbollit të Sallës

Rezultatet e deritanishme dhe

Kalendari i ndeshjeve në vijim:

Java e parë:

Flamurtari FC – Tirana Futsall                     1-3

Elbasani Futsall – Diamant Futsall                         5-10

Java e dytë:

Flamurtari FC – Elbasani Futsall               10-5

Tirana Futsall – Diamant Futsall                  4-2

Java e 3-të:

Elbasani Futsall – Tirana Futsall               Elbasan

Diamant Futsall – FLAMURTARI               Durrës

Java e 4-t:

Tirana Futsall – FLAMURTARI FC                        Tiranë

Diamant Futsall – Elbasani Futsall                       Durrës

Java e 5-të:

Elbasani Futsall – FLAMURTARI FC       Elbasan

Diamant Futsall – Tirana Futsall                Durrës

Java e 6-të:

Tirana Futsall – Elbasani Futsall               Tiranë

FLAMURTARI FC – Diamant Futsall        Vlorë