Ndeshja me KS Ali Demit dhe Edro Vlorës ka nisur me 25 minuta vonesë, sepse kanë ardhur me vonesë jo vetëm policia, e cila ka qenë e lajmëruar nga Pallati i Sportit “Asllan Rusi”, por dhe mjeku i fushës. Ndonëse ishte ambulanca jashtë Pallatit, delegati i Federatës Shqiptare të Futbollit, Endi Hyka, sipas të gjitha rregullave të organizimit të një ndeshje futbolli ka kërkuar dhe mjekun në fushë.

Dhe vetëm kur ka ardhur Olsi Tabaku, mjeku i përhershëm i ndeshjeve të futbollit të sallave, ndërsa kanë mbërritur në të njëjtën kohë dhe forcat e policisë, ndeshja ka nisur normalisht. Ajo që vlen të theksohet është fakti se Edro Vlora nuk ka pasur më fuqinë e atij ekipi që dikur bënte pretendenten për titull “kampion”. Për rrjedhojë KS Ali Demi nuk e ka pasur problem për të fituar.

Madje e ka siguruar atë që në pjesën e parë, teksa ka fiksuar rezultatin 4-1. Vlen të përmendet goli i Enea Kadiut, që ka bërë debutimin e tij me KS Ali Demin, ndërsa vulën suksesit të skuadrës së Ergys Kadiut ia ka vënë Arapi. Kësisoj 4 pikë në dy javë dhe KS Ali Demi sërish pretendon që të kthehet tek titulli “kampion”.

KS Ali Demi – Edro Vlora                            5-1

Shënues: Spahiu 3’, 14’, Kaca 8’,

En.Kadiu 11’, Arapi 36’/Shahaj 19’

KS Ali Demi: Llupo, Bllumbi, Spahiu, Bajollari, Thanasi / Bakalli, Agushi, Sinani, Kaca, En. Kadiu, Arapi. Trajner: Er. Kadiu

Edro Vlora: Rrapaj, Golemi, Shahaj, Tajaja, Muhametaj / Mihali, Ormenaj, Baka. Trajner: A. Golemi

Gjyqtarë: K. Hakrama, E. Bastari (Tiranë)

Kampionati i 12-të Kombëtar

i Futbollit të Sallës

Java e dytë

E enjte, 24 dhjetor 2014:

KS Ali Demi – Edro Vlora                           5-1

Universiteti Epoka – “Black Sheep”          8-10

Teuta – Tirana                                              3-9

E diel, 4 janar 2015:

Flamurtari – Vllaznia                                   (ora 14:00)

Renditja

Nr.       Skuadra                     N.        F.         B.        H.        Gsh-Gp          Pikë

1. Tirana             2          1          1          0          13-7                4
2. KS Ali Demi             2          1          1          0          9-5                4
3. Flamurtari             1          1          0          0          7-3                3
4. Black Sheep 2          1          0          1          14-14              3
5. Edro Vlora             2          1          0          1          4-7                3
6. Teuta                         2          1          0          1          9-13              3
7. Vllaznia             1          0          0          1          2-3                0
8. Universiteti Epoka 2          0          0          2          11-17              0