Kapiteni i Shqipërisë në futbollin e sallës, Roald Halimi, ka treguar se kuqezinjtë kanë qenë me fat që kanë fituar në ndeshjen e fundit ndaj Maltës, ndonëse kualifikimi ishte i arritur. “Fatmirësisht kemi fituar”, – ka thënë ai. – Ishte e vështirë, sepse ishte hera e parë që kemi 10 topa dhe ata shënuan dy gola, që na e vështirësuan suksesin.”
“Një për mungesë reagimi dhe tjetri për shkak të gabimit të portierit dhe mbrojtësit, që ishin të pasigurt, – ka vijuar futbollisti që militon në futbollin e sallës në Itali. – Megjithatë më ka pëlqyer ky grup lojtarësh, sepse që nga momenti i parë kanë qenë të gjithë të përqendruar.”
“Domethënë të gjithë kemi respektuar njëri-tjetrin dhe stafin si në stërvitje, ashtu dhe në ndeshje. Ndaj ishim të suksesshëm. Grupi tjetër është i vështirë, por do të bëjmë lojën tonë duke shpresuar që do të jemi përsëri të suksesshëm”, – ka përfunduar Halimi, kurse Shqipëria e ka mbyllur turneun paraeliminator me 3 fitore në Varna.
Kampionati Evropian
i Futbollit të Sallës
Turi paraeliminator
Grupi D
Të martën, 24 janar 2017:
Angli – Maltë 5-1
Bullgari – Shqipëri 1-7
Të mërkurën, 25 janar 2017:
Shqipëri – Angli 5-1
Bullgari – Maltë 6-1
Të premten, 27 janar 2017:
Maltë – Shqipëri 2-3
Bullgari – Angli 1-4
Renditja
Nr. Skuadra N. F. B. H. Gsh-Gp Pikë
1. Shqipëria 3 3 0 0 15-4 9
2. Anglia 3 2 0 1 10-7 6
3. Bullgaria 3 1 0 2 8-12 3
4. Malta 3 0 0 3 4-14 0
