ASNN – Flamurtari është shpallur dje për të tretën herë në histori dhe për të dytën herë radhazi, “kampione” e Shqipërisë në futbollin e sallës. Edicioni i 12-të i Kampionati Kombëtar të kësaj disipline të futbollit është mbyllur dje me finalen e luajtur në Elbasan, ku vlonjatët fituan ndaj Tiranës me rezultatin 5-2.

Kampionati Kombëtar i Futbollit të Sallës ka ulur të enjten siparin e sezonit të tij të 12-të, me finalen e madhe, ku Flamurtari ka mundur Tiranën me rezultatin 5-2 dhe siguruar, për herë të tretë dhe për të dytën radhazi, titullin e kampiones së vendit.

Kjo ndeshje finale, e cila u luajtur të enjten pasdite në Pallatin e Sportit “Tomor Sinani” të Elbasanit, është karakterizuar nga rivalitet midis dy skuadrave që praktikisht i kanë dhënë tonin këtij sporti në vendin tonë. Deri në minutën e 26-të të ndeshjes gjithçka ka qenë në barazpeshë, në shifrat 1-1.

Por çerekora e fundit ka folur për vlonjatët, të cilët kanë shënuar 4 gola njëri pas tjetrit, ndërsa goli i fundit i Tiranës shërbeu vetëm si ngushëllim, pasi Flamurtari i trajnerit Mario Kalus ka fiksuar fitoren në shifrat 5-2.

Flamurtari është shpallur kështu “kampion” për herë të tretë në futbollin e sallës, ndërsa e fiton trofeun dy herë radhazi dhe trajneri Kalus ka theksuar se skuadra e tij synon një tjetër trofe sezonin e ardhshëm.

Kampionati i 12-të Kombëtar

i Futbollit të Sallës

Finalja:

Flamurtari – Tirana               5-2

Pallati i Sportit “Flamurtari”, Vlorë

Libri i Artë

2003-2004     Tirana

2004-2005     Dinamo

2005-2006     Tirana

2006-2007     KS Ali Demi

2007-2008     Tirana

2008-2009     Tirana

2009-2010     Tirana

2010-2011     Edro Vlora

2011-2012     Flamurtari

2012-2013     KS Ali Demi

2013-2014     Flamurtari

Bilanci:

5 herë             Tirana

2 herë             Flamurtari, KS Ali Demi

1 herë             Dinamo, Edro Vlora