ASNN – Nga Pallati i Kulturës “Labëria” të ftuarit, që në fakt kanë qenë nga e gjithë Shqipëria, madje dhe nga Gjakova, kanë shkuar në Pallatin e Sportit “Flamurtari”, atje ku është luajtur finalja e trofeut “Alfred Ziaj” mes vendësve dhe KS Ali Demit. E skuadra fituese e këtij trofe është KS Ali Demi, që ka mundur Flamurtarin, 6-3.
Së pari nga i biri i Alfred Ziajit, Hegi, është dorëzuar trofeu për sportistin më të mirë që i ka takuar Mario Moçës së Titans. Më pas kupën për skuadrën fituese e ka dorëzuar presidenti i shoqatës sportive të minifutbollit, Klodian Kadiu. Medalje për dy gjyqtarët, Hakrama dhe Bixhi, por dhe për futbollistët e të dy skuadrave.
Kokteji në hollin e pallatit të Sportit “Flamurtari”, si dhe dreka e shtruar në hotel “Bolonja” ka mbyllur të gjitha festimet për nder të Alfred Ziajit, ndërsa kupa në emrin e tij do të jetë e përvitshme. Si një shenjë që, pavarsisht gjithçkaje, futbolli i sallës është ende gjallë në Shqipëri.
Flamurtari – KS “Ali Demi” 3-6
Shënues: Maze 8’, 25’, S. Qopekaj 36’ /
Bllumbi 3’, 10’, 18’, 33’, Jokoviç 30’, Aloviç 40’
E diel, 7 shkurt 2016, ora 12:30 në
Pallatin e Sportit “Flamurtari”, Vlorë
Flamurtari: Xhyheri, Maze, S. Qopekaj, A. Qopekaj, K. Kalus / Sejfullai, Guna, Katiraj, Selimi, Brovina. Trajner: M. Kalus
KS “Ali Demi”: Rrapi, Bllumbi, Jokoviç, Aloviç, Katiraj / Bajollari, Spahiu, Moçka, Kadiu. Trajner: E. Kadiu
Gjyqtarë: K. Hakrama, A. Bixhi (Tiranë)
Kartonë të verdhë: Spahiu
