ASNN – Janë luajtur dje të gjitha ndeshjet e javës së 8-të të Kampionatit Kombëtar të Futbollit për Femra dhe Vllaznia i ka bërë tetë fitoret e saj, ndërsa dje ka mundur dhe Juban Danjën në fushën e kësaj të fundit, me shifrat bindëse, 3-0.
Ndeshja ka nisur mirë për shkodranet, të cilat kanë kaluar në epërsin pas vetëm 8 minutash lojë, me anë të Gjinit. Mirëpo Juban Danja ka rezistuar dhe madje ka rrezikuar në portën shkodrane.
Edhe Vllaznia ka tentuar të shënojë, por ka hasur në një mbrojtje të ngjeshur. Vetëm në tre minutat e fundit të ndeshjes, Vllaznia ia ka dalë të shënojë dhe dy herë të tjera, me anë të Gjergjit dhe Doçit, dhe në përfundim 3-0.
Vllaznia kryeson me pikë të plota, 24, tri më tepër sesa ndjekësja më e afërt, Kinostudioja, e cila dje vuajti për të mundur Apoloninë 4-3, ndërsa shumë prapa, në kuotën e 16 pikëve, është Tirana AS, që mposhti 2-0 në kryeqytet Skënderbeun.
Juban Danja – Vllaznia 0-3
Shënuese: Gjini 8’, Gjergji 85’, Doçi 88’
Juban Danja: Hoxha, L. Jaku, Hilaj, Haxhari, Ndoci, Rrotaj, Krasniqi, Lorja (Muçojani 85’), P. Jaku, Rrotani, Rripaj (Gegu 70’). Trajner: E. Ndreka
Vllaznia: Durmishi, Bajrakurtaj, Bajraktari, Gjini, Franja, Begolli (Begolli 65’), Proto (Lipa 79’), Lazri (Maliqi 72’), Doçi, Muja (Gjergji 42’), Baro (Gruda 55’). Trajner N. Lekaj
Gjyqtarë: A. Kastrati, D. Salaj, F. Thorja (Shkodër)
Kampionati i 7-të Kombëtar
i Futbollit – Femra
Java e 8-të
(19 dhjetor 2015)
Teuta – The Door 1-4
Juban Danja – Vllaznia 0-3
Tirana AS – Skënderbeu 2-0
Dajti – AAS 1-3
Kinostudio – Apolonia 4-3
Renditja
Nr. Skuadra N. F. B. H. Gsh-Gp Pikë
- Vllaznia 8 8 0 0 68-1 24
- Kinostudio 8 7 0 1 46-12 21
- Tirana AS 8 5 1 2 35-11 16
- Apolonia 8 5 0 3 29-14 15
- The Door 8 4 2 2 24-14 14
- Juban Danja 8 4 1 3 20-13 13
- Skënderbeu 8 3 0 5 9-23 9
- Teuta 8 1 0 7 8-43 3
- AAS 8 1 0 7 6-50 3
- Dajti 8 0 0 8 2-66 0
